Portada Educación La Universidá apuesta pola evaluación ‘online’

La Universidá apuesta pola evaluación ‘online’

by redacción asturnews

El cursu universitariu 2019-2020 va acabase’l 31 de xunetu y probablemente va facese ensin que se realicen más actividaes o exámes presenciales. La Universidá apuesta pola evaluación ‘online’ y va cerrar el calendariu de pruebes nuna selmana.

El rector, Santiago García Granda, confirmolola selmana pasada, en rematando un Conseyu de Gobiernu qu’amás d’estraordinariu foi maratonianu, con más de siete hores de duración. La institución académica asturianu apueste asina pola opción ‘online’ tanto pa completar la enseñanza como pa llevar a cabu la evaluación. Ello ye que solo en casos escepcionales, y siempres que lo dexen les normes de seguridá vixentes, podría valorase realizar dalguna prueba presencial. En concretu, «si venti o venticinco díes antes de la celebración del exame presencial» siguen ensin dase les condiciones pa ello informaráse a los alumnos de que la prueba va llevar a cabu na fecha propuesta, pero cola modalidá a distancia.

El documentu aprobáu ayeri va ser la fueya de ruta que regule l’actividá universitaria hasta’l fin de cursu: la docencia presencial y non presencial, la seguridá del estudiantáu y del profesoráu, los trabayos de fin d’estudios, según otres cuestiones importantes pa la Universidá, como los contratos de personal y el caltenimientu d’una «mínima actividá investigadora qu’esperemos que pueda siguise desenvolviendo», dixo.

Unu de los compromisos más importantes alcanzaos ye’l de caltener informaos a los estudiantes sobre les pruebes d’evaluación con tiempu abondu, «siquier, con un mes d’adelantu». Otru de los puntos más reivindicaos polos alumnos ye’l de favorecer «tanto l’actividá d’evaluación continua como la que pueda evaluase por aciu un exame». Estes cuestiones van ponese negru sobre blancu nuna selmana, según anunció’l rector. La universidá prepara yá un calendarioque va recoyer «toles actividaes docentes de la Universidá» y que caltien el periodu d’exames «ente’l 13 de mayu y el 2 de xunu».

Enagora, tolos exames fitos son non presenciales. Pero eso nun indica que la Univerisdad d’Uviéu vaiga reconvertise nuna institución bimodal. Granda reconoz que les circunstancies esixen «una evolución» y tase «aprendiendo enforma de tecnoloxíes y evaluación ‘online’» pero, aportuna en que sía que non «falta enforma» de convertir a la d’Uviéu nuna universidá a distancia.

Tamién te podria gustar