La UNESCO sigue ensin considerar la tauromaquia Patrimoniu Cultural Inmaterial

by redacción asturnews | diciembre 3, 2020 2:53 pm

La UNESCO sigue ensin considerar la tauromaquia como Patrimoniu Cultural Inmaterial de la Humanidá. El Bureau del Comité Intergubernamental refuga otra vuelta considerala ente los sos espedientes en cursu, polo que nun la incluyó na so axenda.

La tema diba ser aldericáda en septiembre pero dos díes antes, la Plataforma La Tortura Nun Ye Cultura (LTNEC) y Animal Guardians xuntu cola organización Gladiadores pola Paz y AACME llanzaron una ofensiva col sofitu de 985 organizaciones de tol mundu ya importantes personalidaes en contra de la candidatura. La movilización foi tal qu’el Bureau decidió retardar l’alderique hasta la so xunta d’ochobre, onde finalmente la tema taurina nun foi incluyíu. Los sectores animalistes y ecoloxistes nun despinten agora la so allegría.

El sector taurín, sicasí, recibelo como un revés más d’esti 2020, añu nel que dicha actividá viose amenorgada nun 89% por cuenta de la pandemia del coronavirus. Prueba d’ello ye que dende’l pasáu mes de xunetu hasta la finalización de la campaña esti mes de payares namá entamáronse n’España 75 festexos taurinos mayores frente a los 793 que tuvieron llugar en 2019. Xuna amenorgamientu d’espectáculos que se tradució na perda de más de 15.000 contrataciones directes, amás de cientos de puestos de trabayu n’otres actividaes indirectu anque necesariu pa la so celebración.

Source URL: http://asturnews.com/la-unesco-sigue-ensin-considerar-la-tauromaquia-patrimoniu-cultural-inmaterial/