La UNESCO declara como Patrimoniu Mundial los fayedales de Madrid, Navarra y Castiella y Llión

El Comité de Patrimoniu Mundial de la UNESCO decidió esti dia incluyir na Llista de Patrimoniu Mundial el bien ‘Fayedales primixenios de los Cárpatos y otres rexones d’Europa’, una candidatura internacional, na qu’España participa aconceyada con nueve países más.

Per parte española integren esta candidatura los Fayedales de Ayllón: Teyera Negra y Montejo (Comunidá de Madrid); los fayedales de Lizardoia y Aztaparreta (Comunidá de Navarra) y los fayedales Cuesta Fría y Canal de Asotín en Picos d’Europa (Comunidá de Castiella y Leon). Nesta ambiciosa propuesta na qu’España participa xuntu con otros nueve países europeos (Albania, Austria, Bélxica, Bulgaria, Croacia, Italia, Rumanía, Eslovenia y otros montes d’Ucrania), que’l so filo conductor ye xuna selección de los montes de fayes más representativos del continente européu, que constitúin un testimoniu de los procesos ecolóxicos asocedíos nel nuesu continente nos últimos cientos de miles d’años. El caltenimientu d’estes muertes vives de la nuesa hestoria natural ye cada vez más acuciosa, frente a la presión que sufren estos fráxiles ecosistemes.

La delegación española tuvo integrada pola Delegación Permanente énte la UNESCO, cola embaxadora Teresa Lizaranzu Perinat, y el Ministeriu d’Educación, Cultura y Deporte. El Comité de Patrimoniu Mundial ta integráu per ventiún países escoyíos polos 193 Estaos Parte que ratificaron la Convención de la UNESCO pa la Protección del Patrimoniu Mundial Cultural y Natural (París, 1972) y ye l’órganu executivu d’esta convención internacional. Los países que formen el Comité suelen exercer el so mandatu mientres un periodu de cuatro años.