La última de James Bond va volver retardar so estrenu a la seronda.

21 xineru 08:56 2021 Imprimir

En plena tercer fola de la pandemia y col 65% de los cines estadounidenses zarraos, munchos son los estudios que preven modificar de nuevu la fecha de los estrenos de les sos películes y ente ellos ‘Ensin tiempu pa morrer’ volverá retardar el so estrenu a la seronda.

Los estudios de cine preven modificar de nuevu la fecha de los estrenos de les sos películes hasta que la crisis sanitaria ameyore y otorgue un respiru a les sales de cine. Sony Pictures yá anunció ayeri que retrasaba siete meses la llegada a la cartelera d’una de les sos cintes estrella, Morbius, que se mueve de marzu a ochobre.

Y MGM tamién se preparar agora pa treslladar Ensin tiempu pa morrer, la postrera y esperadísima aventura de James Bond con Daniel Craig al frente, hasta seronda, con vistes a un mayor control de la Covid.

La película númberu 25 del famosu axente con llicencia pa morrer taba prevista pa esti 2 d’abril, dempués de dellos aplazamientos. L’estudiu inda nun tien clara la so nueva fecha, pero según apunta Deadline de fontes de MGM, el filme empobináu por Cary Joji Fukunaga llegaría a les sales en payares.

Magar tolos retrasos sufiertos hasta agora alimentaron la posibilidá d’un estrenu directamente en streaming, opción escoyida por Disney con Mulan, o l’esplosivu anunciu de Warner Bros d’estrenar de forma simultánea les sos películes en cines y na plataforma HBO Max, los responsables de les hestories del personaxe creáu por Ian Fleming desmintieron tala posibilidá. Bond solo va aterrizar en pantalla grande.

  Categories:
Loading Facebook Comments ...