Portada Educación La ufierta de graos billingües na Universidá d’Uviéu ye de les mayores del país, pero solo capta al 6% del alumnáu

La ufierta de graos billingües na Universidá d’Uviéu ye de les mayores del país, pero solo capta al 6% del alumnáu

by redacción asturnews
Foto: José Antonio Carretero (https://www.flickr.com/photos/jose1969/)

Un total de 1.329 de los daqué más de 21.000 alumnos colos qu’esti cursu cunta la Universidá d’Uviéu estudien un grau billingüe. Y son prácticamente’l doble que fai solo cuatro años, anque se queda nun 6%.

La cifra d’universitarios qu’opten por siguir les clases n’inglés y español nun fixo más que crecer cursu a cursu y lo mesmo asocedió cola ufierta. Nestos momentos son 17 graos y un doble grau -el d’Inxeniería Civil ya Inxeniería de los Recursos Mineru y Enerxéticu- los que pueden cursase con esta fórmula billingüe. “Tratase d’una ufierta bien curiosa para l’estudiantáu”, sorraya Elisa Miguélez, vicerrectora d’Estudiantes. Y constatalo una alumna qu’anguaño empezó’l grau en Maestru n’Educación Primaria: “Teniendo la oportunidá d’escoyer la opción billingüe, consideré que yera muncho meyor para, nel futuru, atopar un trabayu ya inclusive tener la opción de trabayar fora ensin tener problema”, cuenta sobro la so decisión. Pel momento, diz, compaxinar dambos idiomes nes clases nun supunxo nengún problema. “El nivel qu’esixen nun ye bien alto y ayúdennos enforma colo que pueden por que nun nos faiga complicáu y por eso creo que tamos toos bien comodos”.

Na actualidá, la mayoría de los estudiantes son asturianos, pero a la Universidá interésa-y atraer a estudiantes d’otres comunidaes autónomes ya inclusive de fora d’España. “Una forma de faelo pue ser establecer convenios con universidaes estranxeres de prestíu,  con cuenta del so estudiantáu conoza la nuesa ufierta y establézanse intercambios”, cavilga la vicerrectora.

Ye daqué que yá s’apuntaba nel últimu informe de la Conferencia de Rectores d’Universidaes Españoles (CRUE), ‘La Universidá española en cifres, 2015-2016’: “La internacionalización de les enseñances de grau y máster ta condicionada a que la ufierta de la mesma impartir en llingües estranxeres o, siquier, en condiciones de billingüismu”.

Esti informe asitia a la Universidá d’Uviéu, xuntu cola Carlos III de Madrid y la San Pablo-CEU, nel selectu grupu d’instituciones académiques nes que la so ufierta de graos en llingua estranxera o en modalidá billingüe supera’l 30%. La media nacional, según s’apunta en dichu informe, ye del 6,2% nes universidaes públiques y del 10,2% nes privaes. Los porcentaxes medios aumenten cuando lo que s’evalúa ye la ufierta de máster. Ende, les universidaes públiques ameyoren la cifra con un 10,2% y les privaes con un 18,6%.

Estos itinerarios tán impartíos por profesoráu acreditáu pa dar clases n’inglés. P’aportar a los itinerarios billingües, los candidatos tienen que sacar a lo menos un siete nel exame d’inglés de les Pruebes d’Accesu a la Universidá (EBAU) o acreditar un nivel B1. La selección va realizase en función de la nota d’accesu (si los estudios nun tienen llende de places) o almisión (si los estudios tienen llende de places).

Esisten dos modalidaes pa consiguir el Certificáu d’Itinerariu Billingüe. La primera supon completar un mínimu de 120 creitos n’asignatures que se van impartir n’inglés mientres los cuatro años de los estudios de grau. Si, amás, realízase xuna estancia nuna universidá estranxera qu’imparta enseñanza n’inglés y que roblara un conveniu de collaboración cola Universidá d’Uviéu l’alumnu va sumar los creitos europeos (ECTS) cursaos nella, anque dicha estancia nun va ser imprescindible pal llogru del Certificáu d’Itinerariu Billingüe. Con esta modalidá puede optase polos graos n’Alministración y Dirección d’Empreses, Economía, Inxeniería Mecánica, Inxeniería Eléctrica, Inxeniería Electrónica Industrial y Automática, Inxeniería Informática del Software, Inxeniería Química Industrial, Maestru n’Educación Primaria y Química.

La segunda modalidá supon cursar asignatures que s’ufierten n’inglés na Universidá d’Uviéu (que van incluyir siempres la posibilidá de presentar y defender el trabayu de fin de frado n’inglés) y completar hasta consiguir los 120 creitos ECTS necesarios por aciu estancies del Programa Erasmus n’universidaes o instituciones estranxeres que roblaren un conveniu de movilidá cola Universidá d’Uviéu y na que se cursen asignatures n’inglés, o bien n’otra universidá española cursando igualmente asignatures n’inglés nel marcu del programa de movilidá.

Comerciu y Marketing, Contabilidá y Finances, Inxeniería Civil, Inxeniería de los Recursos Mineru y Enerxéticu, Inxeniería Forestal y del Mediu Natural, Inxeniería Geomática y Topográfica, Inxeniería de Tecnoloxíes Industriales y Turismu (na Facultá Xovellanos) son los graos que pueden cursase so esta segunda modalidá.

Tamién te podria gustar