Portada Educación La UABRA pieslla la edición de 2017 esti día 6 nel Paraninfu

La UABRA pieslla la edición de 2017 esti día 6 nel Paraninfu

by redacción asturnews
Pieslle de la UABRA de 2016 nel Paraninfu col Rector y el Conseyeru de Cultura

Esti miércoles 6 de setiembre, a les 19 hores, nel Paraninfu de la Universidá d’Uviéu va tener llugar el pieslle oficial y entrega de Certificaos y Diplomes de la Universidá Asturiana de Branu (UABRA) cola presencia del Conseyeru de Educación y Cultura, Genaro Alonso, y el Rector de la Universidá d’Uviéu, Santiago garcía Granda.
El Rector de la Universidá d’Uviéu, el Conseyeru d’Educación y Cultura, la Presidenta de l’Academia de la Llingua Asturiana, la Direutora de la UABRA y l’Alcalde de Cangas del Narcea van pesllar otru añu más oficialmente’l programa d’actividaes de la Universidá Asturiana de Branu (UABRA) cola entrega de Certificaos y Diplomes al alumnáu que partició nos cursos d’esti añu 2017.  L’actu sedrá esti miércoles 6 de setiembre, a les 19 hores, nel Paraninfu de la Universidá d’Uviéu (c/ San Francisco).

Nos cursos participaron más d’un centenar de persones nos niveles que s’impartieron: Cursu Elemental de Llingua Asturiana, Cursu Avanzáu de Llingua Asturiana, los Cursos d’Afondamientu Cultural y Llingüísticu Capacitación pa la Traducción al Asturianu; Internet y Escuela, un enfoque práuticu; Xuegos y tradiciones populares asturianes y Averamientu al Cine n’asturianu.

A lo llargo del actu, que se fairá dafechu n’asturianu, intervendrán toles personalidaes presentes nel actu: l’Alcalde de Cangas del Narcea, D. José Víctor Rodríguez; la Direutora de la UABRA, Dña. Cristina Valdés; la Presidenta de l’Academia, Dña. Ana Mª Cano González; el Conseyeru d’Educación y Cultura, D. Genaro Alonso y el Rector de la Universidá d’Uviéu, D. Santiago García Granda.

Tamién te podria gustar