Portada Educación La UABRA entrega los sos certificaos y diplomes nel Paraninfu

La UABRA entrega los sos certificaos y diplomes nel Paraninfu

by redacción asturnews
Mesa presidencial del pieslle de la UABRA 2015

Esti xueves 22 de setiembre, a les 19 hores, nel Paraninfu de la Universidá d’Uviéu va tener llugar el pieslle oficial y entrega de Certificaos y Diplomes de la Universidá Asturiana de Branu (UABRA) cola presencia del Conseyeru de Educación y Cultura y el Rector de la Universidá.
El Rector de la Universidá d’Uviéu, el Conseyeru d’Educación y Cultura, la Presidenta de l’Academia de la Llingua Asturiana, la Direutora de la UABRA y l’Alcalde de Cangas del Narcea piesllen oficialmente’l programa d’actividaes de la Universidá Asturiana de Branu (UABRA). L’actu sedrá esti xueves 22 de setiembre, a les 19 hores, nel Paraninfu de la Universidá d’Uviéu (c/ San Francisco).

Nos cursos participaron más d’un centenar de persones nos niveles que s’impartieron: Cursu Elemental de Llingua Asturiana, Cursu Avanzáu de Llingua Asturiana, los Cursos d’Afondamientu Cultural y Llingüísticu Capacitación pa la Traducción al Asturianu; Internet y Escuela, un enfoque práuticu; Xuegos y tradiciones populares asturianes; Ecoloxía y Mediu Ambiente n’Asturies y la segunda fase del Curso de Capacitación en Gallego-Asturiano.

A lo llargo del actu, que se fairá dafechu n’asturianu, intervendrán toles personalidaes presentes nel actu: l’Alcalde de Cangas del Narcea, D. José Víctor Rodríguez; la Direutora de la UABRA, Dña. Cristina Valdés; la Presidenta de l’Academia, Dña. Ana Mª Cano González; el Conseyeru d’Educación y Cultura, D. Xenaro Alonso y el Rector de la Universidá d’Uviéu, D. Santiago García Granda.

Tamién te podria gustar