La UABRA entama’l primeru d’Agostu en Cangas

La UABRA entama’l primeru d’Agostu en Cangas
29 xunetu 15:39 2016 Imprimir

Esti llunes 1 d’agostu, a les 13 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (UABRA): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea.

Nel actu intervendrán el Conseyeru d’Educación y Cultura del Principáu d’Asturies, Xenaro Alonso Megido; el Vicerrector d’Estensión Universitaria y Proyeición Internacional de la Universidá d’Uviéu, Francisco José Borge López; la Presidenta de l’Academia de la Llingua Asturiana, Ana Mª Cano González; l’Alcalde del Conceyu de Cangas del Narcea, José Víctor Rodríguez Fernández y la Direutora de los Cursos, Cristina Valdés Rodríguez.

Los Cursos y xeres complementaries desendolcaránse ente los díes 1 y 12 d’agostu y nellos van participar un centenar de persones.  Esti mesmu llunes, dientro de les Actividaes Abiertes d’esta edición de la UABRA, tendrá llugar la inauguración de la esposición «Relieves. Pormenores del prerrománicu asturianu», na sala d’esposiciones de la Casa de Cultura de la villa canguesa y que tará abierta al públicu nestes primeres selmanes d’agostu.

  Categories:
Loading Facebook Comments ...