La TPA entama emitir davezu partíos de Segunda B n’asturianu

by redacción asturnews | enero 17, 2017 11:12 am

La RTPA va entamar a cumplir pa col so compromisu d’emitir partios de futbol en llingua asturiana en TPA retresmitiendo n’asturianu el derbi de Segunda División B d’esti domingu nel campu Les Caleyes ente’l Lealtad y el Caudal.

Miguel Fernandi va encargase de comentar el partíu, al que dambos conxuntos lleguen con dinámiques bien diferentes, la positiva del CD Lealtad y la negativa del Caudal que vien de sufrir dos derrotes que lu llevaren a allugase nuna plaza del play-off de descensu.

El campu maliayu ya foi l’encargáu d’acoyer el 18 d’avientu del añu pasáu un partíu ente’l Lealtad y el Coruxo, el primer eventu futbolísiticu que se retresmitía n’asturianu nos diez años de vida de la TPA.

Source URL: http://asturnews.com/la-tpa-entama-emitir-davezu-partios-de-segunda-b-nasturianu/