La televisión de la República Checa mira p’Asturies y les sos tradiciones

Un equipu de televisión de la República Checa percuerre Asturies estos díes y hasta’l 27 d’agostu atropando información pa ellaborar dos documentales que va emitir la televisión pública del so país y un reportaxe que va espublizar una revista de viaxes de periodicidá mensual.

Estos periodistes tienen interés especial en conocer la naturaleza de la nuesa Comunidá Autónoma, asina como la so gran variedá de quesos y tolo venceyao col asturcón.

La primer parte de la so estancia centróse, fundamentalmente, nel rodiada de la Comarca de la Sidra, participando na Fiesta del Asturcón, que se celebró’l sábadu na Mayada d’Espineres.

Nestos díes van visitar el Muséu de la Sidra, xubir a Peñamayor, conocer cómo cultiven los pumares en Villaviciosa, percorrer Llastres. El segundu tramu del so viaxe pasa pel Oriente. Gran parte del tiempu van dedicalu a conocer queseríes que producen les variedaes de Gamonéu (del valle y del puertu), los Beyos y Cabrales. Van grabar la baxada del Seya en piragua, les playes de Llanes y los paisaxes singulares de los Picos d’Europa.