La Tarrancha viaxa al festival Folc de Vilariño en Pontevedra

13 agostu 08:40 2014 Imprimir

Esti sabadu día 16, la banda asturiana La Tarrancha continua per tierres gallegues la so agetreada xira músical. Despues d’actuar la pasada fin de selmana en Burgos, na décima edición del festival Solarana Rock, marchen otra vuelta pa As Rias Baixas p’actuar na 15 edición del Festa Folc de Vilariño en Pontevedra, que se ta desenvolviendo mientres toa esta selmana con un ambiciosu programa que va rematar col conciertu de los conocíos grupos gallegos Xistra, Os Cempés y O Sonoru Maxín colos que compartira escenariu la banda asturiana.

Trátase de la tercer visita a tierres gallegues de la banda nesta xira de primavera-branu dempués pasar polos festivales Findkflipas n’Ourense y Antrospinos d’A Coruña. Pero non la postrera, quéda-yos entá otra visita a Galicia dientro d’una selmana al festival Ponte Louco, y pel medio, per selmana van actuar tamién na Selmana Grande de Bilbao.

La xira correspuende col llanzamientu del so últimu trabayu Mezillingües, un discu cantáu en toles llingües de la peninsula ibérica cola collaboración de 19 artistes. El discu presentóse nel Licéu de Gernika (Bizkaia) y yá pasó por munchos escenarios asturianos y otros como’l Fiestizaje d’El Bierzu. N’Asturies quéden-yos entá delles cites, como la Noite Celta de Porcía, los II Alcuentros Alternativos de Bimenes, el Asturies Nun Escaez… y l’últimu conciertu fuara, que va ser en La Rioja. Trátase d’una xira bastante completa dáu los momentos duros polos que pasa la música, como tantes otres coses, y entá mas, cuando fáise dende l’autoxestión, non solo de los conciertos, sinón de la so producción músical, yá que nun cunten con nengún sellu discográficu que los sofite. Mientres toos estos conciertos constatóse una cosa, l’ésitu ente’l públicu qu’entá nun los conocía y el bon sabor de los yá asiduos a los sos directos.

  Categories:
Loading Facebook Comments ...