La siella M de la RAE, vacante al nun ser escoyíos Rosa Montero nin García Gual

La siella M de la RAE, vacante al nun ser escoyíos Rosa Montero nin García Gual
08 mayu 17:47 2017 Imprimir

La siella M de la Real Academia de la Llingua (RAE) va siguir vacante dempués de que nin la escritora y periodista Rosa Montero, nin l’escritor, filólogu y críticu Carlos García Gual llograren los votos necesarios pa ocupala, demientres la sesión plenaria celebrada la tarde del xueves.

Dambos candidatos optaben a ocupar la siella “M”, vacante dende’l fallecimientu del poeta asturianu Carlos Bousoño en 2015. Demientres el plenu -al qu’asistieron 34 académicos- cada unu de los candidatos llogró 16 votos, a los que se sumábense dos votos en blancu, polo que la plaza quedaba erma y tendrá de ser convocada de nuevu, según informa la RAE.

Los aspirantes yeren la escritora y periodista Rosa Montero (Madrid, 1951) y l’helenista y escritor Carlos García Gual (Palma de Mallorca, 1943). Nengún d’ellos llogró la mayoría necesaria na postrera de les votaciones previstes, que son secretes. Pa resultar escoyíu académicu, nesta votación final ríquense a lo menos los sufraxos favorables de la metá más unu de los académicos presentes” nel plenu. Asina s’indica espresamente nos estatutos de la RAE, qu’establecen les normes d’ingresu de nuevos miembros na corporación. Al nun algamar esti númberu, la vacante nun se cubrió y volverá convocase otra vegada.

  Categories: