Portada Cine La Sgae lleva a los tribunales a Uribes por dar vía llibre a SEDA magar un informe internu en contra

La Sgae lleva a los tribunales a Uribes por dar vía llibre a SEDA magar un informe internu en contra

by redacción asturnews

La dirección de la Sociedá Xeneral d’Autores (Sgae) decidió presentar recursu contenciosu alministrativu contra la decisión del ministru de Cultura, José Manuel Rodríguez Uribes, de dar llicencia a la Sociedá Española de Derechos d’Autor, Seda , por que pueda operar na xestión de derechos de propiedá intelectual y asina terminar col monopoliu que nesta materia tenía la denunciante.

Uribes dio esa lluz verde a Seda a pesar del demoledor informe en contra que-y dirixiera’l subdireutor xeneral de Propiedá Intelectual, Carlos Guervós, col aval de la directora xeneral d’Industries Culturales, Adriana Moscoso. La Sgae va formalizar el so recursu énte l’Audiencia Nacional nos próximos díes, indicaron a La Vanguardia fontes de la entidá.

El choque ente la veterana entidá xestora y el ministru, agraváu por esi perduru informe internu de los subordinaos del propiu Uribes, vieno coincidir con una nueva folada de crítiques al titular de Cultura per parte d’artistes y colectivos de ceadores que-y reprochen el so “inacción” frente a les dificultaes del sector arriendes de la pandemia, y determinaes declaraciones de los últimos díes.

Tamién te podria gustar