La Semiente abre un nuevu Llar autoxestionáu

La Semiente abre un nuevu Llar autoxestionáu
15 ochobre 14:09 2015 Imprimir

Esti sábadu 17 d’Ochobre dende la 1 del mediudía el nuevu llar de La Semiente abre les sos puertes a tola xente que quiera cellebralo en L’Entregu.

Esti nuevu espaciu asitiase nel númeru primeru de la Calle Nueva (lo que yera el “Mesón Funcasta”), y dispón de dos plantes con distintos espacios. Según los miembros del colectivu La Semiente, “Esti espaciu tien munches posibilidaes pa faer que’l nuesu proyectu de Centru Social Autoxestionáu medre en cuanto a posibilidáes físiques. Y dicimos físiques porque otru tipu de posíbilidáes ya nun dependen tanto de los espaciós sinon más bien de les persones. Una persona ye quien, ye capaz a faer muncho, pero munches persones xuntes, son quien pa con muncho mas, y si se lo proponen son quien pa con too”.

Por eso, dende La Semiente veíen que’l vieyu espaciu na Calle Eladio G. Jove yera pequeñu pa poder desenvolver munches de les coses que queríen faer y que teníen que dar un revulsivu al colectivu humanu pa seguir regando La Semiente de otra manera de facer les coses.

Por eso encamienten a les asociaciones del valle, y a cualquier persona a facer suyu el espaciu y axuntase a esti proyectu, “Lo mesmo que de la qu’emcipiemos va cinco años, esto nun furrula ensin la xente, y tenemos claro que con esti nuevu espaciu fáennos falta tamién manes nueves, güeyos nuevos, mentes nueves sumando a costruyir un poco de conciencia crítica, a costruyir cultura, a costruyir arte, a fender cola pasividá, a enfrentanos a esti sistema caníbal, a lluchar escontra les inxusticies sociales, a baltiar muries, a medrar y dir regando la semiente d’un mundu meyor pa toles persones y pa tol planeta, dende lol local a lo global, dende lo global a lo llocal.”

Esti Sábadu 17 d’Ochobre dende la 1 del mediudía el nuevu llar de La Semiente abre les sos puertes a tola xente que quiera cellebrar esti nuevu pasín autoxestionariu. Pa ello van ufiertar visites al llocal onde van explicar los usos de los diferentes espacios, una xinta popular gratuita, además de dalguna actuación sorpresina y bon ambiente folixeru.

Loading Facebook Comments ...