Portada Conceyos La semeya de José Francés dexa l’anonimatu y estrena la placa col so autor, Cesáreo Bernaldo de Quirós

La semeya de José Francés dexa l’anonimatu y estrena la placa col so autor, Cesáreo Bernaldo de Quirós

by redacción asturnews

La semeya de José Francés dexa l’anonimatu y estrena la placa col so autor, Cesáreo Bernaldo de Quirós. La investigación llevada a cabu por Ramón Rodríguez confirma de forma concluyente que’l cuadru foi realizáu pol conocíu como “Pintor de la patria” d’Arxentina. 

La semeya de José Francés asitiáu nel Salón de Plenos del Conceyu d’Avilés sal del anonimatu. El minuciosu trabayu d’investigación lleváu a cabu por Ramón Rodríguez confirma de forma concluyente que foi realizáu pol conocíu como “Pintor de la patria” d’Arxentina, Cesáreo Bernaldo de Quirós. Dende esta mañana lluz la placa que la identifica, tres una senciella ceremonia presidida por Yolanda Alonso, concejala de Cultura de la ciudá, acompañada coles mesmes por Rodríguez.

Les pesquises de Ramón Rodríguez, ex director de la Escuela Municipal de Cerámica, pintor y estudiosu del arte asturiano, dieron cola clave l’añu pasáu, y afayaron que’l coloríu retrato de José Francés que xixila los plenos del Conceyu ye frutu del pincel d’unu de los más grandes pintores suramericanos. Avilés pasa de llucir una gran obra pictórica que retrata a unu de los personaxes de la so sociedá de principios del sieglu pasáu, a llucir una gran obra roblada por un artista capital n’América del Sur.

Asina lo recordó Yolanda Alonso, que resaltó la trescendencia de la certificación, y l’importancia de cuntar nel patrimoniu de tolos avilesinos con una pintura d’un mayor caláu hestóricu del que nun principiu se presuponía, frutu del reconocíu talentu del pintor d’orixe español que contribuyó a forxar la identidá d’Arxentina, onde tantos españoles emigraron.

Ramón Rodríguez rellató los avatares del so estudiu, les pistes que siguió. Un camín que-y fixo refugar la posibilidá de que la semeya fuera obra de Gutiérrez Solana, el coloríu de los trazos negar, magar lo qu’apuntaren delles fontes. El fináu cronista d’Avilés, Xusto Ureña, en “Pintures del Conceyu d’Avilés” apuntaba la so autoría a “un pintor anónimu de l’Arxentina”.

Les pesquises lleváronlu a Bernaldo de Quirós, sobro’l que José Francés escribió y emponderó la so obra, y que visitó España ente otres ocasiones a finales de la década de 1920 y espunxo los sos trabayos. Finalmente, l’afayu d’una nota periodística, de Manuel Fontanillas en La Voz d’Avilés (roblando como A. de Moreno, como recordó Ramón Rodríguez) na dómina en que se produció la donación al Conceyu (1964), confirmaba l’autoría.

Tamién te podria gustar