La Selmana Santa de Xixón anuncia so programa pa escolinos: Proyectu 11×12

La Selmana Santa de Xixón ya tien otru añu más actividaes pa escolinos con pas o familiares que nun son a conciliar la vida familiar y la llaboral neses feches. El Proyectu 11×12, de pergrandes resultaos l’añu pasáu, vuelve otra vuelta.

El periodu d’inscripción abriose’l llunes día 25 de marzu y remata el vienres 5 d’abril, pudiendo formalizase directamente nos colexos públicos onde s’empresta esti serviciu, Alfonso Camín, Asturies, Begoña, Clarín, El Llanu, García Lorca, Gaspar Melchor de Xovellanos, Montevil, Nicanor Piñole, La Escuelona, Rei Pelayo, Ríu Piles y Montiana n’horariu de 15:30 a 18:30 hores. Los campamentos celebraranse los díes 15, 16 y 17 d’abril.

Ufiértase atención temprana con almuerzu dende les 7:30 hores, comida y el serviciu de catering de merienda para aquelles families qu’asina lo demanden, abonándose la mesma nos mesmos colexos y siendo el preciu de 1,50 €/día l’almuerzu, 4,00 €/día’l comedor y 1,25 €/día la merienda.

El preciu del campamentu pa les families qu’alleguen los trés díes ye de 18,30 euros per neñu/a y va abonase por aciu domiciliación bancaria, pero para les families que precisen los servicios en díes sueltos el preciu ye de 6,10 euro/día y la forma de pagu’l llogru d’un ticket nos caxeros ciudadanos, con descuentos para los as hermano/as, en dambos casos.

El preciu para les families beneficiaries de la beca de comedor escolar mientres el presente curso escolar, ye de 0,90 € para los neños y neñes qu’alleguen los trés díes, y de 0,30 € para los díes sueltos.

La temática pa EDUCACIÓNINFANTIL ye: LA PRIMAVERA: “AIRES DE PRIMAVERA”

L’oxetivu xeneral de les actividaes a desenvolver ye fomentar la esmolición de los neños y neñes pola esploración y la interacción cola redolada, aguiyando la so autoestima, la reflexón, l’afectividá; tollo aprovechando les oportunidaes que brinda la primavera en cuando a estímulu de golores, colores y el nuevu espertar a la vida.

Más información