Portada Cine La Selmana de la erradicación de la probeza presenta “L’Estelleru (Esculpen les molesties)”

La Selmana de la erradicación de la probeza presenta “L’Estelleru (Esculpen les molesties)”

by redacción asturnews

Realizada a lo llargo de siete años, L’Estelleru (Esculpen les molesties) ye la crónica del conflictu vivíu nel sector naval asturianu qu’Alejandro Zapico presenta esti llunes 15 nel salón d’actos del Centru de Cultura Antiguu Institutu de Xixón. Alejandro Zapico, el so director, enfusase nel estelleru de Naval Xixón nel momentu de mayor enfrentamientu, ufiertando una mirada personal de los sos trabayadores.

Esti documental, programáu por EAPN-AS coincidiendo cola selmana de la erradicación de la probeza, recueye’l periplu d’un grupu d’obreros que llantaron cara al procesu de precarización y zarru del sector industrial asturianu. Un conflictu icónico que se convirtió en parte esencial del imaxinariu colectivu d’Asturies na defensa de los derechos llaborales.

L’actividá organizala Rede Europea de Llucha Contra la Probeza y l’Esclusión Social n’Asturies (EAPN-AS) y va desenvolvese nel salón d’actos del Centru de Cultura Antiguu Institutu esti llunes 15 d’ochobre a les 19.30 hores.

 

Tamién te podria gustar