La segunda edición de FIVO torna esta fin de selmana

La segunda edición de FIVO torna esta fin de selmana
02 avientu 15:07 2021 Imprimir

El presidente de la Fundación Municipal de Cultura, Jose Luis Costillas, presentó, xuntu al director del Festival Internacional de Videoclips d’Uviéu, Sergio Valbuena, la segunda edición d’esta cita más conocida como FIVO. Un festival que, según esplicó’l conceyal, torna de forma presencial “tres la gran acoyida de los profesionales y aficionaos l’añu pasáu” coles mires de ser “altavoz para el trabayadores del audiovisual que pueden atopar nos videoclips, un nichu de mercáu”.

Valbuena destacó’l difícil trabayu que tuvieron que desenvolver pa escoyer a los finalistes de les dos secciones d’esta segunda edición (la Oficial y l’Asturiana) en recibiendo más de mil viedoclips”. Con un total de 15 trabayos a competición, ente los que pueden atopase propuestes de realizadores de la talla de Toño Chouza, Adrián Canoira, Andrea Chaos, Juanita Zapata, Marina Valeiro, Lucia Mevaz o Alba Valdés, n’este FIVO van competir trabayos que punxeron imaxe a la música de Kiko Venenu, Los Estanques y Lorena Álvarez, ente otros artistes. Amás, dalgunos d’estos músicos repiten presencia en FIVO Uviéu con nuevos videoclips como ye’l casu de Rodrigo Cueves y Tarik Rahim.

El Xuráu Oficial, compuestu pola Directora d’antena de RTPA, Lucía Herrera, y pola cineasta Celia Cerveró, van otorgar los premios Meyor Videoclip de la Sección Oficial y Meyor Videoclip de la Sección Asturies. Coles mesmes, FIVO va cuntar per primer vegada con un Xuráu Nuevu compuestu pol alumnáu de Comunicación, Imaxe y Soníu del I.Y.S. Aramo y l’alumnáu de Vídeu, Disc-Jockey y Soníu del CIFP Cislán, que van apurrir el Premiu Nuevu al Meyor Videoclip de la Sección Oficial.

Los videoclips de la Sección Oficial van poder trate’l xueves 2 d’avientu a partir de les 18:00 hores nel Muséu Arqueolóxicu d’Asturies. Los videoclips de la Sección Asturies, pela so parte, van ser proxectaos el mesmu día a partir de les 20:30 hores nel Teatru de Pumarín. Les actividaes complementaries del Festival inclúin dos conciertos, dos charres y xuna retrospectiva. Delaporte y Bonu van ufiertar dos conciertos los díes sábadu 4 a partir de les 21:30 hores y xueves 2 a partir de les 20:30 hores, respectivamente, nel Teatru de Pumarín. Les charres van tener llugar el xueves 2 nel Muséu Arqueolóxicu d’Asturies de la mano de la yá mentada Celia Cerveró y de la directora asturiana Claudia Barral a les 17:00 y a les 19:00 hores, respectivamente. Finalmente, la Retrospectiva ‘Cinema-etc’ que va celebrar el Festival el vienres 3 a partir de les 17:30 hores tamién nel Teatru de Pumarín va averar al públicu los trabayos del estudiu d’animación homónimu fundáu en 1979 por Jean-Luc Stock na localidá belga de Lieja, y que güei supon un baluarte de l’animación como medio pa la educación social y cultural. Les pieces que van poder trate van roblaes por consagraos artistes como Mathieu Labaye, Simon Medard y Anaïse Lafontaine, ente otros.

L’accesu a toles actividaes de FIVO Uviéu va ser gratuitu y hasta completar aforu.

  Categories: