La See Electrónica municipal de conceyu d’Avilés recibe’l certificáu AENOR de conformidá col Esquema Nacional de Seguridá (ENS)

La See Electrónica municipal de conceyu d’Avilés recibe’l certificáu AENOR de conformidá col Esquema Nacional de Seguridá (ENS)
31 xunetu 09:00 2018 Imprimir

L’alcaldesa d’Avilés, Mariví Monteserín, recibió’l martes pasáu de manos del director de AENOR nel Principáu d’Asturies, Juan Lucas García, el certificáu de conformidá de la See Electrónica municipal col Esquema Nacional de Seguridá (ENS).

Esta certificación reconoz que’l Conceyu d’Avilés cumple con esti Esquema, qu’establez los principios básicos y requisitos mínimos de seguridá de los sistemes d’información de les Alministraciones Públiques coles mires de xenerar enfotu. D’esta miente, el Conceyu d’Avilés conviertese nel primeru del Principáu d’Asturies, y unu de los primeres de toa España, en cuntar con esta certificación de AENOR.

La See Electrónica del Conceyu d’Avilés constitúi un sistema d’información de categoría Media, lo qu’obliga a la realización d’una auditoría de certificación col ENS. Esta auditoría foi llevada a cabu por  AENOR, entidá acreditada en 2017 por ENAC (Entidá Nacional de Acreditación) p certificar el cumplimientu de les entidaes públiques col Esquema Nacional de Seguridá.

La See Electrónica del Conceyu d’Avilés (https://sedeelectronica.aviles.es/), entró en funcionamientu nel añu 2014, sometiéndose dende entós a constantes llabores de caltenimientu y meyora, siempres cola máxima de salvaguardar la confidencialidad de los datos de toles persones físiques y xurídiques que faen usu de la mesma. La See Electrónica municipal foi enllantada coles mires d’apurrir a la ciudadanía d’Avilés l’accesu a los servicios qu’ufierta’l Conceyu, creando coles mesmes un espaciu para la xestión alministrativa con toles garantíes necesaries. Coincidiendo con esti reconocimientu, la web vieno acabante de camudar la so imaxen.

  Categories: