La San Silvestre supera’l récord de participación con 3.000 corredores

Esti xueves 31 d’avientu, a partir de les 17.00 hores, celébrase la tradicional San Silvestre en toles ciudaes asturianes, cola avilesina destacando por un percorríu urbanu de 5,6 Km.

La d’Avilés celebra anguaño so 28ª edición na que van participar 3.000 corredores de toles edaes. La inscripción abrió’l 9 d’avientu y el martes 22 cerróse’l cupu d’atletes menores al llegase al tope de 700 inscritos.

Una de les novedaes ye que na categoría “Chupetines” namái van poder participar aquellos neños y neñes que puedan completar el percorríu pelos sos propios medios y otra ye que va correse con un dosal-chip, que rexistra automáticamente la salida y la llegada del corredor.

Va premiase con Troféu a los 3 primeros clasificaos de cada categoría. La entrega va efectuase al llau de la meta una vegada rematada la carrera grande.Cómo novedá anguaño los neños y neñes que lleguen a meta van recibir una medaya conmemorativa de regalu.