Portada Conceyos La Romería del Cristu punxo’l broche d’oru a San Mateo 2021

La Romería del Cristu punxo’l broche d’oru a San Mateo 2021

by redacción asturnews

Les fiestes remataron con un ampliu programa d’actividaes nel Parque del Truébano que se convirtió anguaño, nel quintu escenariu festivu de la ciudá. Un espaciu “que va siguir creciendo en futures ediciones, allugando, ente otres actividaes, actuaciones d’orquestes”, según detalló la conceyala de Festexos, Cuadonga Díaz.

La Romería del Cristu escribió’l puntu y final a les fiestes de San Mateo. Miembros del equipu de gobiernu, encabezaos pola conceyala de Festexos, Cuadonga Díaz, asistieron a les actividaes programaes nel Parque del Truébano, convertíu anguaño nel quintu escenariu festivu de la ciudá. La conceyala sorrayó “l’apueste personal” del Alcalde, Alfredo Canteli, por esti allugamientu, que va siguir creciendo en próximes ediciones”. Según esplicó la edil, el próximu añu’l parque “va acoyer orquestes p’aprovechar tolos metros d’esti espaciu” nel que se va caltener el númberu de casetes” al tener la concesión xuna duración de trés años”.

Ente otres actividaes el Truébano acoyó la celebración  d’actuaciones musicales, folclore, xuegos  tradicionales infantiles y l’entrega del Premiu al Paisanu y Paisana del Añu apurríu como cada añu pola plataforma SOS Viejo HUCA.

Tamién te podria gustar