La revista Lúnula algama’l so númberu diecinueve con nueves propuestes de creación lliteraria y visual

21 febreru 00:48 2005 Imprimir

La revista de lliteratura y arte Lunula, editada pol Atenéu Obreru de Xixón, llega a la so entrega diecinueve con un númberu dedicáu a amosar les últimes creaciones d’autores como el David González, Sibisse Rodríguez, Alberto Linares, Rosana Popelka, Natalia Pastor, Alberto Amez, Juan Bosch, Antonio Bermejo. Escritores y artistes visuales xúntense nesta nueva entrega de la veterana revista editada pol Atenéu Obreru y dirixida por Jesús Rodríguez Castellano que va presentase’l miércoles 23 en Xixón.

L’actu va tar empobináu por dos de les collaboradores de la revista, Roxana Popelka, que va presentar l’apartáu fotográficu y Sibisse Rodríguez Sánchez, que se va ocupar del ámbitu lliterariu. La presentación va cuntar cola partipicación final del grupu de boleros Munglow. Ló nómina de collaboradores d’esti númberu 19 de la revista xixonesa ofrez una amuesa diversa y amplia de la creación lliteraria y artística tanto asturiana como del restu del estáu na que destaquen los trabayos de los dos collaboradores más mozos: Marina Valdés y Lucas L. Sosa, de siete años, que publiquen “Cartas y notas de amor de Marina Valdés”. La parte final de la revista ta dedicada a reseñes y comentarios de llibros.

L’actu de presentación del númberu 19 de Lunula ye esti miércoles a les 20,30 nos locales del Atenéu Obreru de Xixón

  Categories:
Loading Facebook Comments ...