La reválida de la ESO va ser voluntaria y la de Bachilleratu va esaminar sólo de segundu

La reválida de la ESO va ser voluntaria y la de Bachilleratu va esaminar sólo de segundu
18 18:30 2016 Imprimir

La reválida de 4º de la ESO va ser voluntaria y la de Bachilleratu namái va esaminar de les asignatures de 2º, en cuenta de les de 1º y de 2º. Son les principales novedaes que’l ministru d’Educación, Íñigo Méndez de Vigo, va ufiertar a los representantes educativos de les comunidaes autónomes na xunta que va caltener el próximu día 28.

La ufierta ministerial va facese esi día nel marcu de la Conferencia Sectorial d’Educación y lo más destacao d’ella va ser que la evaluación de la ESO (p’alumnos de 15 y 16 años)  nun va tener denguna consecuencia académica, sinón que va ser de “calter muestral”, esto ye, va realizase namiá en dellos centros qu’escueyan les comunidaes autónomes. Ésta ye la fórmula que siguieron, na práctica, dellos gobiernos rexonales el cursu pasáu cuando se vieron obligaos a faer la evaluación de 6º de Primaria. Por dicilo en palabres del decretu, “la so superación nun va constituyir pa nengún alumnu un requisitu pal llogru del títulu oficial d’ESO”.

El borrador atiende tamién a una importante reclamación del PSOE, al recoyer que los alumnos que llogren un títulu de Formación Profesional Básica “van poder llograr el títulu de la ESO” ensin reválida, magar los docentes tengan que considerar que “algamaron los oxetivos de la ESO y adquiríu les competencies correspondientes”. Amás, según est proyectu, el númberu d’asignatures amenórgase. Los alumnos de 4º de la ESO yá nun van tener que faer un exame de siete materies, sinón que lo fadrán de seis: los cuatro troncales Xeografía y Hestoria, Llingua y Lliteratura, Matemátiques y Llingua Estranxera,y dos troncales d’opción a elección del alumnu, esplicaron aL MUNDU fontes del Ministeriu d’Educación.

El borrador, per otru llau, avera la reválida de 2º de Bachilleratu a lo que yera l’antigua Prueba d’Accesu a la Universidá (PAU). Los alumnos namái se van tener qu’esaminar de les asignatures troncales de 2º y non de les troncales de too el ciclu académicu. Yá nun van tener, por tanto, qu’esaminase d’asignatures de 1º como Filosofía. Si, colos planes primeramente previstos del Gobiernu, teníen qu’esaminase d’ocho asignatures, agora esti númberu queda amenorgáu a seis. Na PAU había cuatro examen obligatorios y otros dos ya inclusive cuatro voluntarios pa xubir nota.

  Categories:
Loading Facebook Comments ...