La retresmisión de la obra teatral “Esi virus que nun somos” cierra’l XVII Foru Solidariu d’Avilés

La retresmisión de la obra teatral “Esi virus que nun somos” cierra’l XVII Foru Solidariu d’Avilés
12 09:00 2020 Imprimir

El XVII Foru Solidariu d’Avilés ciérrase güei con una última xornada dedicada a los estudiantes de primeru y segundu cursu de Bachilleratu de la ciudá, col estrenu de la obra teatral “Esi virus que nun somos”, una creación colectiva de l’asociación Los Glayus para’l Foru, cola que concenciar sobro la importancia de la prevención y de la solidaridá en tiempos de pandemia y confinamientu. Va Ser a les 10.30 hores.

La obra teatral, que va ser representada y retresmitida n’absolutu directu, va acompañada d’una Unidá Didáctica que la complementa y cola que trabayar los conceutos que nella s’esponen. Sol títulu de “Saludando”, y ellaborada pa la Enseñanza Secundaria Obligatoria, incide na importancia de los cuidos, de caltener la creatividá y la cercanía, y evitar el repliegue como sociedá.

Tou ello podráse siguir en directu al traviés del perfil del Conceyu d’Avilés en YouTube (https://www.youtube.com/user/AyuntamientoAviles), al que tamién s’enllazará dende www.aviles.es.

El Foru reivindicó’l cumplimientu del tercer Oxetivu de Desenvolvimientu Sostenible de l’Axenda 2030: “Salú y Bienestar”. Sol lema “¡Sanidá universal = Equilibriu social!”, ta entamáu pol  Serviciu de Participación Ciudadana, Cooperación y Solidaridá del Conceyu d’Avilés y el Conseyu Municipal de Cooperación y Solidaridá.

Coles mesmes, collaboren na so realización l’Axencia Asturiana de Cooperación al Desenvolvimientu, la Federación Asturiana de Conceyos, la Coordinadora de ONGs del Principáu d’Asturies y el Centru de Profesoráu y Recurso Avilés-Occidente (CPR).

  Categories: