La reedición de la novela d’Armando Palacio Valdés “José” hermana a Llaviana y Avilés

La reedición de la novela d’Armando Palacio Valdés “José” hermana a Llaviana y Avilés
24 febreru 10:12 2020 Imprimir

El Conceyu d’Avilés participa na reedición de “José”, novela d’Armando Palacio Valdés, editada agora pel Centru d’Interpretación Palacio Valdés, d’Entrialgo. Nel proyectu, presentáu pola conceyala de Cultura, Yolanda Alonso, tamién collaboren los conceyos de Llaviana, llugar de nacencia del escritor, y los de Carreño y Cuideiru, nos que s’asitia la ficción.

Armando Palacio Valdés va permanecer pa siempres xuníu a Avilés, la ciudá na que trescurrió la so infancia y adolescencia y reposen los sos restos, y onde Yolanda Alonso, la so conceyala de Cultura, presentó’l proyectu de reedición de la so novela “José”, nel que’l Conceyu d’Avilés participa al pie de los de Llaviana, onde nació l’escritor, y los de Cuideiru y Carreño, escenarios ficticios de la obra. El llibru, que cunta cola supervisión del estudiosu de la obra del autor Francisco Trinidá, va ser presentáu en próximes feches.

Acompañaron a Yolanda Alonso, la vicealcaldesa y conceyala de Cultura de Llaviana, Inés García Vega; l’alcaldesa de Carreño, Amelia Fernández; l’escritor Francisco Trinidá, y l’espertu en palaciu Valdés José Marcelino García. Garrasti tamién la concejala de Cultura, Yolanda Alonso.

El proyectu, promovíu pel Centru d’Interpretación Palacio Valdés, con see n’Entrialgo, na casa natal de Palacio Valdés (dependiente del Conceyu de Llaviana), cola collaboración de l’Asociación d’Amigos de Palacio Valdés y los conceyos d’Avilés, Carreño y Cuideiru, va rematar na edición d’un volume de 220 páxines, supervisáu por Francisco Trinidá, estudiosu de la figura del escritor, que va ver la lluz en próximes feches, y va tener n’Avilés l’escenariu de la so presentación final.

Esta publicación sigue’l camín entamáu con otres obres significatives del autor, como “Sinfonía pastoral”, “L’idiliu d’un enfermu”, “El gobiernu de les muyeres”, “La novela d’un novelista”, “L’aldega perdida”, “Marta y María” y “La fe”.

Avilés y Llaviana atópense hermanaes en redol a la figura d’Armando Palacio Valdés, unu de los ciudadanos más pernomaos de dambos conceyos, dos vegaes candidatu al Premiu Nobel de Lliteratura, y que da nome al monumental Teatru avilesín, na cai homónima, qu’esti 2020 cumple’l so primer centenariu.

“José” ye una novela ambientada nel imaxinariu pueblu pesqueru de Rodillero, que toma traces de Candás y Cuideiru. Escrita en 1885, supon una semeya realista de l’Asturies marinera de la dómina, al traviés de los sos personaxes, protagonizada pol pescador que-y da nome, José.

La publicación de la obra forma parte d’un proyectu que va cuntar, coles mesmes, cola esposición itinerante de fotogrames de la película del mesmu nome, “José”, dirixida en 1925 por Manuel Noriega, y rodada n’escenarios naturales de Cuideiru, Candás, Lluanco o Xixón. Tamién se previo la realización d’actividaes pedagóxiques, nos colexos ya institutos de los conceyos participantes na edición del llibru.

  Categories: