La Rede de Normalización nos Conceyos presenta una campaña consumu

La Rede de Normalización nos Conceyos presenta una campaña consumu
15 febreru 10:05 2021 Imprimir

La Rede de Normalización Llingüística nos Conceyos presenta una campaña conxunta qu’afala’l consumu responsable: ¿Qué mos toca…? Esta campaña, entamada yá l’añu pasáu pol Conciyu Ḷḷena, ofrez a la ciudadanía información d’interés sobre los productos propios de cada momentu y anímala a mercar en pueblu, nel comerciu de proximidá.

La campaña, pensada pa la promoción peles redes, renuévase según avanza l’añu, actualizando productos pa garantizar un consumu sostenible y consciente. Otramiente y anque se mantién un deseñu común, cada conceyu va adaptando a les sos particularidaes llingüístiques el conteníu textual de la iniciativa, siempre en ficies d’un impactu social favoratible nos sos ámbitos d’influencia.

Esta nun ye la primer campaña conxunta editada pola Rede de Normalización Llingüística nos Conceyos, qu’aveza trabayar a comuña, pero sí la primera d’esti 2021. En concreto, participen de la propuesta los conceyos de la Mancomunidá del Cabu Peñes (Carreño y Gozón), Comarca la Sidra (Bimenes, Cabranes, Colunga, Nava, Sariegu y Villaviciosa), Grau, Candamu, Ḷḷena, Xixón y
Cangas. La finalidá ye clara: asentar el vocabulariu propiu nel ámbitu del comerciu y fomentar actitúes responsables ente la xente consumidor.

  Categories:
Loading Facebook Comments ...