La recaldación de les sales de cine baxa un 13,5 per cientu y casi un 20 nel casu del cine español

30 setiembre 08:44 2013 Imprimir

El Festival de marcu del Festival de Cine de San Sebastián sirvió otru añu pa que la Confederación de Productores Audiovisuales Españoles (FAPAE) presentara la memoria correspondiente al últimu añu cinematográficu que pon a les clares el mal momentu qu’atraviesa el cine español.

Na rueda de prensa onde se presentaba l’informe comparecieron el presidente de FAPAE, Joxé Portela, acompañáu del presidente de l’Asociación Estatal de Cine (AEC), José Antonio Félez, y del presidente de RTVE, Leopoldo González-Echenique, y del director de TVE, Ignacio Corrolades.

Tocantes a la situación del cine español, el presidente de AEC fixo públicos datos de la taquilla n’España, facilitaos por Rentrak, según los cualos a fecha 22 de setiembre, la recaldación de les sales de cine n’España polo xeneral baxó un 13,5 per cientu, casi un 20 per cientu nel casu del cine español con 40,7 millones d’euros de taquilla frente a los 47,6 millones de 2012.

Los espectadores cayeron un 15,8 per cientu, tamién casi un 20 per cientu nel casu de los de películes españoles con un total de 5,9 millones d’espectadores frente a los 7,3 de 2012.

La cuota de mercáu per recaldación del cine español xube a 11,3 per cientu, porcentaxe similar al del pasáu añu, y hasta esti mes estrenáronse 61 películes españoles (24% menos qu’en 2012), diez de les cualos superen el millón d’euros de recaldación. Portela señaló que “va costar llegar” a la cuota de mercáu del 19,5 per cientu cola que cerró’l cine del nuesu país el pasáu exerciciu, anque esperó que la cifra sía “cercana” y sía que non cimera al 15 per cientu.

  Article "tagged" as:
  Categories:
Loading Facebook Comments ...