Portada Sociedá La RAE yá tien nuevu director: Santiago Muñoz Machado

La RAE yá tien nuevu director: Santiago Muñoz Machado

by redacción asturnews

La Real Academia de la Llingua ya tien nuevu director, el númberu 31 de la so hestoria, depués que la institución escoyera a Santiago Muñoz Machado nun plenu que se celebraba a última hora de la tarde. Había qu’escoyer a unu de los trés candidatos que pasaron a la final”: Santiago Muñoz Machado, Juan Luis Cebrián o José Antonio Pascual.

Estos trés académicos fueron los que llograron más votos para dirixir la RAE en sustitución de Darío Villanueva nel plenu del pasáu xueves 13 d’avientu, pero nengunu d’ellos llogró la mayoría absoluta esixida polos estatutos de l’academia na primer convocatoria. El nuevo director, Santiago Muñoz Machado, llogró 22 votos en la primera votación; mentantu que’l so principal rival, Juan Luis Cebrián, algamó 13. De los 46 académicos que tien la RAE na actualidá solo teníen derechu a votu 41 porque pa exercelu hai que tener un mínimu de 12 asistencies a los plenos y amás 2 son electos, esto ye, inda nun tomaron posesión de la so siella.

La Real Academia Española tuvo trenta directores dende la so creación en 1713 y el postreru d’ellos, Darío Villanueva, ocupó’l cargu dende avientu de 2014. Nel plenu del pasáu 4 d’ochobre anunció la so decisión de nun siguir y nun presentase a la reelección. Unu de los trés candidatos qu’opten mañana a sustituyir a Villanueva ye’l llingüista José Antonio Pascual (Salamanca, 1942) qu’ocupa la siella “K” de la institución.

Pascual foi vicedirector de la RAE ente 2007 y 2015, director académicu del Nuevu Diccionariu Históricu del español (NDHE), fundador de la Revista Española de Llingüística Aplicada y catedráticu de les universidaes de Salamanca, Sevilla y Carlos III de Madrid y responsable del Institutu Cervantes de París (1997-2001). Autor de más d’un centenar de llibros y artículos, nel so mayor parte dedicaos a la lexicografía y a la hestoria del español, anguaño dirixe l’Institutu d’Hestoria de la Llingua (CILENGUA) de La Rioxa.

Pela so parte, el xurista Santiago Muñoz Machado (Pozoblanco, Córdoba, 1949), unu de los grandes espertos en derechu internacional, alministrativu y comuñal, foi escoyíu académicu en 2012 pa ocupar la siella “r” y foi secretariu de la RAE ente 2015 y 2017. Catedráticu de Derechu Alministrativu, Muñoz Machado ye tamién académicu de númberu de la Real Academia de Ciencies Morales y Polítiques y foi galardonáu colos Premios Nacionales d’Ensayu y el Nacional d’Hestoria de 2018. Amás, hai promovido el Diccionariu del español xurídicu, que dirixió por encargu de la RAE en collaboración col Conseyu Xeneral del Poder Xudicial (CGPJ), y el Diccionariu panhispánicu del español xurídicu. Y dende esti xueves ye’l nuevu direutor dela RAE.

El periodista y escritor Juan Luis Cebrián (Madrid, 1944), presidente d’honor d’El País dende mayu de 2018, ocupa’l sillón “V” dende 1997. Cebrián, llicenciáu en Ciencies de la Información, foi’l primer director del diariu El País, cargu qu’ocupó hasta 1998, añu en que pasó a ser editor del periódicu. Dempués foi presidente y conseyeru delegáu del grupu PRISA.

Tamién te podria gustar