La RAE sal del pasu como pué y califica la Constitución de gramaticalmente “impecable”

La RAE sal del pasu como pué y califica la Constitución de gramaticalmente “impecable”
20 xineru 21:13 2020 Imprimir

La RAE encamienta incluyir ‘Reina’ y ‘princesa’ nuna Constitución qu’atalanta “gramaticalmente impecable”. L’academia de la llingua española defende la so posición sobro l’usu del masculín xenéricu y namái apunta dellos cambeos que nun van más allá d’un trámite pa salir del pasu.

La RAE defendi la so posición, criticada polos partíos progresistas y la sociedá civil, sobro l’usu del masculín xenéricu y namái apunta dellos cambeos que nun van más allá d’un trámite pa salir del pasu. “Nun apura -matizó Machado- pero sería conveniente desdoblar la palabra rei y reina. Y el sustantivu princesa nun apaez na carta magna, sí nomar al príncipe, asina que l’academia encamienta sustituyir eses espresiones pol príncipe o la princesa d’Asturies’”. Ensin nomalo, foron munches les voces polítiques que güei s’alzaron pidiendo que si hai vicepresidentes, ministres y diputaes tamién apaezan como la reina y la princesa na Constitución.

Dende l’encargu nel 2018 per parte del Gobiernu socialista, l’informe foi xuna pataca caliente qu’hasta esta selmana la RAE nun tramitó. L’informe foi encargáu a l’Academia pola vicepresidenta Carmen Calvo na comisión d’Igualdá del Congresu de los Diputaos. Naquellos momentos, el director de la RAE yera Darío Villanueva.

Voces internes dixeron qu’había poco que tocar ya inclusive se llegó a calificar de disparate tal pretensión. Villanueva, poco primero de ser releváu por Antonio Muñoz Machado n’avientu del 2018, yá esplicó que l’informe taba a puntu y que namái había qu’esperar a l’aprobación del plenariu de l’Academia.

El cambéu na dirección académica retrasó la decisión final. Güei finalmente, dos años dempués, la RAE ufiertó una rueda de prensa na que cuntó los detalles. Los académicos son conscientes de que les sos conclusiones nun van gustar a los que-yos fixeron l’encargu, pero, como diz el so director, la llingua ye la que ye y la RAE nun puede dir más allá.

La comisión, paritaria, qu’ellaboró ‘L’Informe sobro’l bon usu del llinguaxe inclusivu na nuesa Carta Magna’ ta formada por Paz Battaner –directora del diccionariu–, Inés Fernández Ordóñez, Ignacio Monte –que yá redactó un informe sobro’l llinguaxe inclusivu nel 2012– y Pedro Álvarez de Miranda.