ComunicaciónSociedá La RAE estudia incorporar al diccionariu de castellábn delles palabres de la pandemia by redacción asturnews 6 de mayu, 2020 written by redacción asturnews 6 de mayu, 2020 51 Palabres qu’entraron nel nuesu léxicu cotidianu como como coronavirus y coronavírico; COVID-19; desescalar y desescalada; y desconfinamientu, fueron analizaes hai poco pa so posible entrada nel Diccionariu de la llingua española (DLE). L’actividá académica nun se detien, y los plenos celebrense por videoconferencia o por videollamada (cuando la RAE acepte esta nueva palabra, qu’entá nun figura nel DLE), como la del xueves pasáu, presidía polos Reis. En casos como los de cuarentenar, cuarentenear y encuarentenar, los académicos han d’acabar de decidir cuálos son los verbos afayadizos, los más usaos, los qu’acaben enraigonando, pa da-yos los honores d’entrar nel diccionariu. Coles mesmes, los académicos tamién punxeron sobre la mesa palabres yá rexistraes nel diccionariu coles sos variantes americanes pa ver les que podríen modificar o ampliar nes sos acepciones. Ente elles tán confinar y confinamientu; mázcaru y los sos equivalentes hispanoamericanos como barbijo y nasobuco; morgue y estáu d’alarma. Los académicos de la RAE nun pueden axuntase alredor de la mesa oval sentaos nos sos sillones coles lletres del alfabetu, pero sí lu faen telemáticamente. Na xunta selmanal de los xueves, ayeri l’alcuentru telemáticu tuvo presidíu polos reis Felipe y Letizia. El plenu faló de les palabres que surdieron arriendes de la pandemia del coronavirus pa so posible entrada nel DLE. Nesti casu, analizáronse les nueves palabres, más les que yá tán nel diccionariu y que tendrán de ser revisaes nes sos definiciones o bien ampliaes nes sos acepciones. Al marxe d’estos términos directamente rellacionaos cola pandemia, los académicos tamién analizaron la palabra compuesta videollamada, bien utilizáu nesta crisis sanitaria y que nun figura entá nel diccionariu. Sí figura videoconferencia, pero la realidá y l’actualidá impónense, y la popular videollamada nun va tardar en figurar nel DLE. 0 FacebookTwitterPinterestEmail Anterior Facebook aguanta la crisis del coronavirus siguiente El Muséu Xovellanos faise virtual Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...