La prueba d’accesu a la Universidá celebrarase’l 30 de xunu y el 1 y 2 de xunetu

La institución asturiana fixar les feches definitives de la prueba d’accesu a la Universidá (EBAU) dientro del marxe alcordáu coles comunidaes, afitandola los díes 30 de xunu y el 1 y 2 de xunetu. La prueba estraordinaria va ser los díes 21, 22 y 23 de xunetu.

La institución académica asturiana afitó esti miércoles les feches de la EBAU. que va celebrase los díes 30 de xunu y 1 y 2 de xunetu. Asina lo alcordó ayeri la comisión organizadora de la prueba, quien tamién avanzó les de la convocatoria estraordinaria: va tener llugar los díes 21, 22 y 23 de xunetu.

Pa los estudiantes de segundu de Bachilleratu, supón un respiru. Hasta agora, el Ministeriu d’Educación y el d’Universidaes, en consensu coles comunidaes autónomes y les universidaes españoles, alcordara un marxe ampliu, ente’l 22 de xunu y el 10 de xunetu, Ayeri mesmu, los grupos de la oposición preguntáron-y a la conseyera, quien -siempres suxeta a la crisis sanitaria- yera partidaria de nun allargar nel tiempu, siempres como fecha llende’l 10 de setiembre. «Yá supon abondo estrés», apuntaba.

La mesma ministra, Isabel Celaá, indicó, al dar esi marxe de tiempu, que’l modelu afaríase a les circunstancies, de tala forma que los estudiantes esaminaranse del temariu que dieron y non del que quede fuera. Los alumnos de segundu de Bachilleratu son la esceición: nel so casu, pueden adelantrar materia, siempres y cuando toos tean en condición de faelo.

La EBAU, que va tener más opcionalidá (más opciones de preguntes), consta de dos fases: una obligatoria -d’accesu- y otra d’almisión. La primera consta de cuatro materies xenerales del bloque d’asignatures troncales cursaes nel segundu cursu de la modalidá de Bachilleratu escoyida pa la prueba. Cada exerciciu d’esta fase va calificar de 0 a 10 puntos. Pa xubir nota, van poder esaminase d’hasta cuatro materies d’opción del bloque de les asignatures troncales de segundu, que pueden ser cursaes o non. Tamién, de materies xenerales del bloque de troncales de la modalidá de segundu cursu non matriculaes na fase d’accesu. El Sindicatu d’Estudiantes pidió la cancelación de los exames, incluyida la EBAU, y la promoción énte la suspensión de les clases presenciales.