La prosodia y la xeoprodesia protagonizaron la segunda de les XXXVII Xornaes d’Estudiu

Les XXXVII Xornaes Internacionales d’Estudiu continúaron esti miércoles 7, nel salón d’actos del edificiu alministrativu de la Facultá de Filosofía y Lletres de la Universidá d’Uviéu, con una xornada dafechamente téunica, que finó cola conferencia de la profesora Elisa Fernández Rey sobre les árees xeoprodésiques del occidente ibéricu.

Les sesiones entamaron a les 16:30 hores cola ponencia del profesor Paolo Roseano, de la Universidá de Barcelona, titulada «Análisis dialectométrico de la prosodia del asturiano en el ámbito románico: una primera aproximación». Darréu, la sesión continuó coles comunicaciones de Carmen Muñiz Cachón (Universidá d’Uviéu y ALLA), Alberto Gómez Bautista, Rosabel San Segundo Cachero y Víctor Suárez Piñero. estes ponencies versaron sobre cuestiones téuniques que diben de la sonorización d’oclusivees sordes o la palatalización de la -l inicial en mirandés a les aplicaciones didáutiques del cine o’l análisis sintácticu pragmáticu.

La xornada pesllose cola ponencia «El asturiano y las áreas geoprosódicas del occidente ibérico», de la profesora Elisa Fernández Rey de la Universidá de Santiago.

L’Academia de la Llingua Asturiana pieslla esti xueves día 8, nel salón d’actos del edificiu alministrativu de la Facultá de Filosofía y Lletres de la Universidá d’Uviéu, les XXXVII Xornaes Internacionales d’Estudiu.

Les sesiones entamarán a les 16:30 hores cola ponencia del profesor de la Universidá de Melbourne (Australia) Alfredo Martínez-Expósito titulada «Cuestiones de imagología en el cine hecho en Asturias en el siglo xxi». Darréu, siguirán les comunicaciones de Próspero Morán López ya Ylenia López Rubín, Xuan Xosé Lajo, Inaciu Galán y González y Claudia Elena Menéndez Fernández.

Les Xornaes pesllaránse cola conferencia «¿Cómo se ha estudiado la metafonía asturiana?» del profesor Fernando Sánchez Miret  de la Universidá de Salamanca.