La programación teatral de San Mateo fai apueste pola comedia y el musical

La Comisión delegada de la Fundación Municipal de Cultura aprobó esti día la programación municipal de teatru pa les fiestes de San Mateo que se va desenvolver, nel Teatru Filarmónica, ente los díes 18 y 24 de setiembre. El programa previstu apuesta pola comedia y el musical como exes del cartelu.

El primeru de los títulos, “El Ministru” de Pentación Espectáculos, va representase los díes 16, a les 20:30 hores y 17, a les 20:00 y a les 22:30 hores. La segunda obra en xubir a les tables, de la mano de Vacaloria Producciones, va ser “Lo que vos dea po la gana”. Podrá vese el día 18 nun doble pase, a les 20:00 hores y a les 22:30 hores.

De la mano de Sergio Gayol Gonzalo va ponese n’escena’l día 19, tamién a les 20:00 y a les 22:30 hores, la obra “Carne de Pita” orixinal de Maxi Rodríguez y Javier Macua. “Llavar, marcar y soterrar. Hestories d’una peluquera en serie”, de la compañía Montgomery Entertainment Asociación, ye’l cuartu títulu que se va representar los díes 20 y 21 de setiembre a les 20:30 hores. Marcus Producciones va traer los díes 22, 20:30 hores y 23, a les 20:00 hores;”La cla de les divorciaes”. El ciclu cerrará’l día 24, a les 20:30 hores, cola producción del Cohete Internacional “Mongolia. Musical 2.0”.