Portada Fiestes La programación navidiega vuelve a Avilés en dellos espacios pa dinamizar l’actividá

La programación navidiega vuelve a Avilés en dellos espacios pa dinamizar l’actividá

by redacción asturnews

La programación navidiega vuelve a Avilés en dellos espacios pa dinamizar l’actividá y la economía. Va Haber actuaciones musicales gratuites na plaza de Camposagrado y na ilesia de San Nicolás. El Teatru Palacio Valdés ufierta circu acrobáticu, el nuevu espectáculu de Joaquín Pajarón y el reestrenu de “L’As”. Melchor, Gaspar y Baltasar van tar n’Avilés y  van instalase 10 buzones en tola ciudá por que los neños y neñes depositen les sos cartes.

Esposición de Nacencies con nuevu formatu: nos escaparates de dellos espacios del cascu urbanu. Descarga d’invitaciones para los eventos gratuitos en navidadaviles.com. Yolanda Alonso, concejala de Promoción de Ciudá: “ye bien importante atopar l’equilibriu y caltener la programación cumpliendo les midíes sanitaries yá que repercute nel comerciu y l’hostelería”.

La pista de La Esposición va convertise nuevamente -dende’l vienres 18 d’avientu y hasta el domingu 10 de xineru- en centru neurálxicu de les actividaes navidiegues, que tamién van llegar a otros espacios ente ellos la plaza de Camposagrado, la ilesia de San Nicolás o’l Pabellón de La Madalena. Como nun podría ser otra manera, la seguridá frente a la pandemia protagonizó’l diseñu y conteníu de la programación.

Asina lo esplicó la conceyala de Promoción de Ciudá, Yolanda Alonso, na presentación del programa navidiegu d’anguaño “pensáu para dinamizar l’actividá comercial y d’ociu d’Avilés, treslladar l’espíritu navidiegu a los más nuevos y tratar d’apurrir ilusión a tolos avilesinos nun añu tan difícil”. Añedió que “queremos caltener l’actividá cumpliendo con toles midíes sanitaries, al igual que llevamos faciendo toos estos meses. Consiguilo supon más trabayu ya inversión, pero ye bien importante atopar l’equilibriu y caltener la programación yá que tien xuna repercusión directa nel empléu, el comerciu y l’hostelería local”. Alonso referíase a la repercusión nel empléu de les actividaes y programación navidiega, que ronda les 200 persones d’alredor d’unes 50 empreses de distintos ámbitos.

Como novedaes, anguaño van distribuyise 10 Buzones Reales por tola ciudá por que los neños y neñes depositen les sos cartes, énte la imposibilidá de cuntar cola presencia física del Príncipe Ali-Arreyar.

Xuegos, atracciones, lluz, música… L’entretenimientu va tar garantizáu na cortil de NAvilés na pista de La Esposición, col regresu de la esperada pista de xelu (450  metros cuadraos. Al so llau, xuna de les  principales novedaes d’anguaño: un tobogán de más de 20 metros de baxada y 6 d’altor sobro’l qu’esmucise en trinéu o en ‘donuts’ xigantes, con una única habilidá necesaria: les ganes de pasalo bien.

Habrá una zona d’actividaes y espectáculos, na que se van programar más de 15 actuaciones gratuites pa tolos públicos nun espaciu estremáu con tarima, moqueta, calefacción . Nesta carpa va haber circu, títeres, música, maxa, teatru, pómpares de xabón xigantes, cuentos, talleres…. Tamién ta programada l’actuación como monologuista d’Alberto Rodríguez.

Nun va faltar nesti espaciu la diversión que aúna componentes didácticos y educativos, colos cuatro talleres infantiles Educa Conciencia, que van incentivar el cuidu del planeta sobro cuatro temes: “Hestoria de la tierra”, “Calentamientu global”, “El plásticu y los océanos” y “Enerxíes anovables”.

Los y les más pequenes van poder conocer la Ciudá de la Navidá nun espaciu espositivu, de 15×25 metros, na que van atopar osos polares, llobos, foques y venaos, montes nórdicos, xuna fábrica de xuguetes, el pobláu de los elfos, un iglú dende’l que contemplar les estelantes aurores boreales y conocer cómo vivíen los antiguos pobladores del Árticu, y el llugar más esperáu, la Casa de Santa Claus, na que’l mesmu Santa va recibir a los sos visitantes.

Nel esterior, el llume va xugar un papel especial, con elementos tridimensionales como’l renu “Coloroso”, estrelles o un abetu de Navidá, xuntu al Tren de Santa Claus y xuna noria 10 metros d’altor.

Esfrutar de les distintes atracciones va tener premiu y va apurrise un pequeñu agasayo a quien completen el percorríu de Navilés. va se-yos apurriendo un flayer en taquilla xuntu cola entrada na cual van poder dir sellando la so presencia nes distintes atracciones/actividaes.

Tamién va haber en La Esposición espaciu pa les compres d’artesanía, cola XXI edición d’una Feria d’Avientu que va cuntar con 20 puestos de productos artesanales, xoyería, cueru, decoración y turrones, con horariu ininterrumpíu de 11.00 a 22.00 hores.

Más información

Tamién te podria gustar