La profesora Lluz Roncal, gana’l concursu d’ensayos matemáticos Ciudá d’Uviéu

La profesora Lluz Roncal, gana’l concursu d’ensayos matemáticos Ciudá d’Uviéu
30 11:21 2020 Imprimir

La profesora Lluz Roncal Gómez, investigadora del BCAM – Basque Center for Applied Mathematics (BCAM) de Bilbao, foi la ganadora del primer concursu de ensayo Ciudad d’Uviéu sobro “Les Matemátiques de los premiaos Princesa d’Asturies 2020”.

El xuráu destacó, en concretu, qu’el so trabayu ufierta “una versión precisa de les aportaciones de Yves Meyer, Ingrid Daubechies, Terence Tau y Emmanuel Candès que llevaron a la Fundación Princesa d’Asturies a concede-yos el premiu d’Investigación en Ciencies Básiques na so edición de 2020”.

El premiu foi convocáu pol Conceyu d’Uviéu, xuntu cola Cátedra d’Intelixencia Analítica de la Universidá d’Uviéu, la Real Sociedá Matemática Española (RSME) y la Real Academia Española de Ciencies Esactes, Físiques y Naturales, pa contribuyir a promover la conocencia de les matemátiques poles qu’estes cuatro personalidaes científiques recibieron esta distinción n’España.

Lluz Roncal llogra, d’esta miente, esti premiu empobináu a autores individuales menores de 40 años. Doctora en Matemátiques pola Universidá de La Rioxa en 2009, la profesora ye na actualidá investigadora del BCAM – Basque Center for Applied Mathematics, onde forma parte del grupu d’Analís harmónicu y ecuaciones diferenciales parciales”. Dende principios de 2019 ye Ikerbasque Research Fellow y cuenta con un contratu Ramón y Cajal. Antes d’incorporase a BCAM, foi profesora Titular d’Universidá Interina nel Departamentu de Matemátiques y Computación de la Universidá de La Rioxa.

El xuráu tuvo presidíu por Juan Luis Vázquez, de la Real Academia de Ciencies d’España, y compuestu por Ana García Armada, profesora de la Universidá Carlos III de Madrid; Javier Cuesta, conceyal d’Economía, Tresformamientu Dixital y Comunicación nel Conceyu d’Uviéu; Domingo Docampo, profesor na Universidá de Vigo; Eugenio Hernández, profesor na Universidá Autónoma de Madrid; y Santos González, profesor na Universidá d’Uviéu, como secretariu.

  Categories: