Cine La producción vasca ‘El Fuexu’ gana’l Festival de Sitges by redacción asturnews 15 d'ochobre, 2019 written by redacción asturnews 15 d'ochobre, 2019 43 Les películes del xéneru con altes dosis de crítica social trunfaron anguaño en Sitges. El Fuexu, dirixida pol bilbaín Galder Gaeztu-Urrutia llevóse’l premiu a la meyor película de la sección oficial. La hestoria asocede nuna especie de cárcel con cientos de pisos y dos presos por pisu que tien un furacu pol que la comida (o los sos restos) va baxando. El filme tuvo una escelente acoyida en Sitges –antes transitó con ésitu en Toronto y Austin– y sedució tamién al xuráu. Si El Fuexu plantega la falta de solidaridá y l’individualismu, Bacurau, otra distopía fondamente irónica, brutal y crítica colos tiempos que cuerren y que s’alzó col Premiu del Xuráu nel pasáu Festival de Cannes, foi la otra gran ganadora del certame. Los sos realizadores, los brasileños Kleber Mendoça y Xulianu Domelles lleváronse’l premiu a la meyor dirección y la película tamién s’alzó col Premiu de la Crítica José Luis Guarner. Imogen Poots y Miles Robbins lleváronse’l premiu a meyor actriz y actor. Poots interpreta en Vivarium a una muyer que se plantega la compra del so primer llar al pie de la so pareya y queden atrapaos nuna vivienda unifamiliar nuna velea llaberíntico y surrealista. Robbins, fíu de Susan Sarandon y Tim Robbins protagoniza’l thriller psicolóxicu Daniel isn’t real, con bisarmes incluyíes nel que comparte cartelu con Patrick Schwarzenegger. El xuráu, formáu por Anurag Kashyap, Alan Jones, Marina Ortiz, Mary Jo Markey y Nancy Bishop, destacó d’El Fuexu “la so excelencia nos aspeutos de producción, efectos especiales, interpretación… Nesti aspeutu ye una película única y destacable y amás, tien un mensaxe bien potente”. La película va llegar a los cines el próximu 1 de payares. Na sección oficial Dan Levy ganó’l Premiu a la Meyor música pola película d’animación francesa J’ai perdu mon corps , otra de los filmes qu’anguaño collechó ameyores crítiques nel certame. El xuráu tamién apurre un premiu especial a la película Adoration , de Fabrice du Weiz y va tener una mención especial pa la producción francomarroquí Achoura , una película pionera en xéneru de terror en Marruecos. El meyor curtiumetraxe de xéneru fantásticu foi pa Polter, d’Álvaro Vicano. 0 FacebookTwitterPinterestEmail Anterior El Sindicatu d’Estudiantes pide que se «aparte yá» al catedráticu sancionáu n’Uniovi siguiente Correos presenta los sellos dedicaos al Teatru Campoamor y al Camín Primitivu Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...