La primer edición del Mercáu de la Catedral enllena de color la fin de selmana

by redacción asturnews | junio 18, 2018 8:49 am

Una cita periódica colos productos tradicionales, artesanos y saludables d’orixe local, que se va celebrar na Plaza de la Catedral la tercer fin de selmana de cada mes ye la propuesta qu’entamó con ésitu esti añu y que quier desenvolver nos meses venideros el gobiernu del conceyu d’Uviéu.

Tratase d’un mercáu ecolóxicu que tuvo llugar na Plaza de la Catedral nesta tercer fin de selmana de cada mes, y que se lleva a cabu cola collaboración de l’Asociación Mercáu Artesanu y Ecolóxicu. Esti mercáu cocmenzó esta fin de selmana, 16 y 17 de xunu, y va tener siempres un horariu de 11 a 3 y de 5 a 10 hores.

El presidente de l’Asociación del mercáu artesano y ecolóxico, Javier Ruiz-Cueves Montes, esplicó hai dies, xunta’l onceyal Rosón, que nel mercáu van poer atopase tolos meses, ente otres coses, productos testiles, artesanía, madera, cueru, aerógrafo, amás de productos d’alimentación como quesos, embutíos, pan, escanda, conserves,… Toos ellaboraos de forma totalmente artesanal y ecolóxica por productores locales. Y asina foi nesta primer edición enforma siguida por públicu abondu cola collaboración d’un tiempu soleyeru.

Source URL: http://asturnews.com/la-primer-edicion-del-mercau-de-la-catedral-enllena-de-color-la-fin-de-selmana/