La primer aplicación pa móviles n’asturianu yá ye una realidá

12 abril 10:19 2011 Imprimir

El llanzamientu d’esta fin de selmana por Asturnews de la primer aplicación en llingua asturiana que se desenrrolla y que se pue descargar nun teléfonu móvil con sistema operativu Android, foi noticia espardida nestos díes poles redes sociales. L’aplicación ya entamó esti llunes a descargase convirtiéndose na primer aplicación en llingua asturiana que se fai pa móviles de última xeneración, tamién conocíos como smartphones.

L’aplicación que ya pue descargase dende l’Android Market y tará bien pronto disponible tamién pal iPhone d’Apple y la so tableta iPad. La presencia nel Apple Market suel retrasase un pocu más por mor de les condiciones de seguridá qu’impón la compañia de la mazana y qu’allarguen el procesu de certificación dellos meses, inclusu.

Mentantu se ta esperando a esa certificación, los usuarios del iPhone o del iPad puen emplegar el so navegador safari, siendo detectada la conexón pol servidor qu’ufrirá una versión de la web d’Asturnews dafechamente preparada pal dispositivu.

p>Asturnews lleva dende’l so nacimientu hái cásique 15 años adelantándose a la implementación en la prensa dixital asturiana de les principales novedaes teunolóxiques. Entamó a emplegar Twitter cuando ningún periódicu asturianu, dixital o non, lo facía n’Asturies y lo mesmo asocedió cola apaición de la so canal de You Tube y delles otres novedaes que se van axuntando una tres d’otra.

L’aplicación d’Asturnews nel Android Market

  Categories:
Loading Facebook Comments ...