Portada Cine La prensa estadounidense inclúi a Banderas como ‘actor de color nomáu a los Óscar’

La prensa estadounidense inclúi a Banderas como ‘actor de color nomáu a los Óscar’

by redacción asturnews
Foto: qbac07 (https://www.flickr.com/photos/30816404@N04/)

La inclusión d’Antonio Banderes como unu de los pocos nomaos “de color” a los Óscar per parte de medios estadounidenses desamarró la inmediata reacción en redes sociales. Fueron munchos los usuarios que s’entainaron a esclariar que l’actor español ye “européu y blancu”.

Publicaciones como Deadline o Vanity Fair mentaron a Banderes como xuno de los pocos casos de “persona de color nomada a los Óscar, tres l’anunciu oficial de los candidatos a los premios de l’Academia de Hollywood d’esti llunes.

Tal que informa EFE, dambos diarios citaron a Banderes, al pie de l’actriz d’orixe afroamericano Cynthia Erivo, como los únicos intérpretes “de color”.

”Solo dos actores de color fueron nomaos nes categoríes principales d’actuación, ente que les muyeres quedaron ausentes en meyor dirección”, escribió la publicación Deadline al pie de una imaxe de Jennifer López, la gran ausente nesta edición.

El tuit, que delles hores dempués foi esaniciáu, recibió respuestes que recordaben que “Antonio Banderes ye d’España, blancu y européu” o criticaben el tracamundiu qu’impliquen les categorizaciones raciales n’Estaos Xuníos, yá que estremen ente llatinu hispánicu, caucásicu y afroamericano.

Coles mesmes, Vanity Fair venceyó la nominación de Erivo, única afroamericana escoyida pa competir nos Óscar, cola mención a Banderes.

”Anque el españoles nun son técnicamente consideraos persones de color, cabo señalar qu’Antonio Banderes foi nomáu pol so papel principal nel drama n’español ‘Dolor y Gloria’”, recordaba Vanity Fair.

La clasificación racial aplicada per Estaos Xuníos ye revesosa pa les persones hispanes o llatines, yá que, a pesar de que nun tán estremaes como xuna raza biolóxica distinta según la ordenación convencional, nel país norteamericanu sí que cunten con una categoría apartada de la caucásica nos sos rexistros poblacionales.

Trátase de daqué inesacto dafechu, claro. Gran parte de les persones españoles o mediterránees son caucásiques pero de cultura llatina, heredera del llatín clásicu que tamién incluyiría a países europeos como Italia o Francia, amás de gran parte del continente americanu por procesos históricos distintos.

Tamién te podria gustar