Portada Conceyos La Politécnica de Xixón revisa tol so funcionamientu pa llograr el máximu sellu calidable

La Politécnica de Xixón revisa tol so funcionamientu pa llograr el máximu sellu calidable

by redacción asturnews
Universidad Laboral, Gijón: https://en.wikipedia.org/wiki/Universidad_Laboral_de_Gij%C3%B3n#/media/File:Universidad_Laboral_gijon.jpg

La Escuela Politécnica d’Inxeniería, la EPI, va sometese en septiembre a l’auditoría de l’Axencia Nacional d’Evaluación de la Calidá y Acreditación, la ANECA, pa llograr la máxima distinción en calidá, el sellu Audit. Lleven años trabayando nello y sedríen el primer centru de la Universidá d’Uviéu en sometese a un procesu qu’obligó a revisar tol funcionamientu, tolos sos procedimientos, a marcar oxetivos claros y definir cómo consiguilos.

Un panel nel pasiellu de la área de dirección resume de forma gráfica cuálos son esos oxetivos. Non solo eso, sinón les resultancies de la autoevaluación continua que se ta faciendo. Pegatines de colores ayuden a saber en qué puntu del camín tán. Colloráu, oxetivu ensin superar. Verde, meta alcanzada. Naranxa, hubo ameyora pero entá queda camín por faer.

Los grandes oxetivos falen de “potenciar l’espardimientu de los títulos que s’imparten nel centru nos niveles educativos preuniversitarios y facilitar la integración de los estudiantes de nuevu ingresu. Planiar y desenvolver la enseñanza colos medios fayadizos y caltener de manera sostenible la collaboración y participación colos colexos y asociaciones profesionales, según cola redolada empresarial”. Pa llogralos, la Escuela tuvo qu’estudiase perbién: “Atopemos con coses que nin siquier conocíamos», almite’l director de la EPI, Juan Carlos Riolo. Por casu: la Unión Europea marcóse como oxetivu para 2020 qu’un 20% de los alumnos d’estudios cimeros realicen una movilidá internacional. Na Escuela, el porcentaxe ye del 33%. Pegatina verde. Y llógrase en parte porque’l colloráu dio pasu al verde nel númberu de places Erasmus ufiertaes: de 365 a 411, percima de les 400 marcaes como meta.

El mayor centru de la Universidá d’Uviéu quier tener más d’un 25% de muyeres de nuevu ingresu. Pegatina colorada enagora, pos nel cursu 2017-2018 fueron un 22%. Tampoco se algama’l porcentaxe d’alumnos de ciclos formativos de nuevu ingresu, que la EPI quier que sían un 5% o más respectu al total de nuevos alumnos. Enagora la cifra quedarsenel 3,4%.

 

Tamién te podria gustar