La Pola acueye’l musical familiar “Esos locos fantasmas”

21 avientu 12:12 2017 Imprimir

La Pola acueye’l musical familiar “Esos locos fantasmas”, con una función que va tener llugar el vienres 29 d’avientu, a les 19 hores, nel Teatru Auditoriu.

“Eses lloques pantasmes” ye un musical familiar, que narra la hestoria d’una neña güérfana que s’escuende nun vieyu teatru. Ellí va atopase coles pantasmes de los personaxes que fueron abandonaos polos actores; personaxes risonderos y llenos de maxa que, llueñe de dar mieu a la pequeña, amosarán-y les maravíes y los rellabicos del mundu del espectáculu, al traviés d’un maraviyosu viaxe polos grandes clásicos.

Una hestoria llena de maxa, con grandes valores culturales, música orixinal y un diseñu y puesta n’escena llenos de color, que va prestar a los más pequenos y va emocionar a los mayores, convirtiéndolo nun musical familiar distintu y únicu.

– – – – –

Públicu: Familiar
Duración: 75 minuto
Dirección: Juan Carlos Guerra

Actores:

Comedia: Jorge Afiáu Melodrama:
Paula Guida
Dramón: Fernando Samper
Espectru: Baol B. Buliara
Neña: Ruth Gue

– – – – –

Espectáculu Ganador del Premiu MET 2015 al Meyor Espectáculu Familiar.
Espectáculu Ganador Premios del Teatru Musical 2016 a Meyor Maquillaxe y Peluquería.
Nomáu en Premiu Max 2015 – 2016 al Meyor Espectáculu Infantil o Familiar.
Nomáu en Premios del Teatru Musical 2016 a Meyor Musical Infantil y Meyor Dirección Musical.
Nomáu en Premios Broadway World Spain 2016 a Meyor Musical Infantil y Meyor Musical Orixinal.

  Categories: