Portada Convocatories La poeta canadiense Anne Carson gana’l Princesa d’Asturies de les Lletres

La poeta canadiense Anne Carson gana’l Princesa d’Asturies de les Lletres

by redacción asturnews

La poeta canadiense Anne Carson, una de les grandes favorites al Nobel de Lliteratura 2019, ensayista, traductora, poeta y profesora de cultura clásica, vieno acabante ganar el Premiu Princesa d’Asturies de les Lletres.

La poesía y el mundu clásicu fueron premiaos na figura de la escritora canadiense Anne Carson (Toronto, 1950), nueva Princesa d’Asturies de les Lletres 2020, según informó la fundación que concede los galardones. Según l’acta del xuráu, Carson “algamó unes cotes d’intensidá y solvencia intelectual que la asitien ente los escritores más destacaos del presente. Dende l’estudiu del mundu grecolatino construyó xuna poética innovadora onde la vitalidá del gran pensamientu clásicu funciona a la manera d’un mapa que convida a resolver les complexidaes del momentu actual. La so obra caltien un compromisu cola emoción y el pensamientu, col estudiu de la tradición y la presencia anovada de les Humanidaes como xuna manera d’algamar meyor concencia del nuesu tiempu”.

“Un gran honor y una total sorpresa –dixo ayeri Carson en Ann Arbour (EE.XX.)–. Desque travesé España a cuerpu en 1983, quedé maraviada cola cultura d’esa xente que nun sonri nun siendo que tenga xuna bien bona razón. ¡Qué atentu del so parte suxurir que puedo dalos xuna razón pa faelo!”.

Carson, eterna candidata al Nobel de Lliteratura, ye ensayista, traductora, poeta, performer y profesora de cultura clásica na Universidá de Michigan. Suel cuntar que una edición billingüe de los poemes de Safo qu’atopó nuna llibrería cuando tenía 15 años camudó pa siempres la so vida, nuna dómina en que foi tamién una devota almiradora de Oscar Wilde.

Tamién te podria gustar