Portada Comunicación La poesía n’asturianu llega a los móviles nuna plataforma multillingüe de poemes recitaos

La poesía n’asturianu llega a los móviles nuna plataforma multillingüe de poemes recitaos

by redacción asturnews

La poesía n’asturianu llega a los móviles nuna plataforma multillingüe de poemes recitaos cola creación d’una playlist de poesía per parte de la fonóteca “The books movie” que permite sintir distintos poetes en cualesquier sitiu.

TheBooksmovie presenta una seleición de poetas recitando dalgunos de los sos poemes. La Fonoteca de Poesía tien un ampliu fondu documental cola voz de más de 400 autores publicaos y publicaes. “Nesti proyeutu punximos tol alma, sabemos que la poesía pertenez al territoriu de lo íntimo y poques coses son tan personales como’l to Smartphone”, diz María Luisa López directora de comunicación.

TheBooksmovie naz en 2014 col envís d’ellaborar un fondu documental sonoru qu’esbille información rigurosa venceyada a los y les poetes contemporáneos del Estáu español recitando parte de la so obra. Esta Fonoteca ta a disposición del públicu lilbremente y de fácil accesu pa la so consulta ya estudiu

La parte asturiana cunta cola collaboración de l’Asociación d’Escritores d’Asturies y tien ente los autores que pueden atopase, n’asturianu y gallego-asturianu, a Esther García, Roberto González-Quevedo, Inaciu Galán, Ánxel Álvarez Llano, Chechu García, Marisa López Diz, Ángeles Carbajal, Esther Prieto, Miguel Rodríguez Monteavaro, Susana Sela, Moisés Cima o Berto García, ente otros.

Pa desendolcar esti proyeutu creóse l’Academia Española de Poesía Recitada, una asociación cultural ensin ánimu de lucru. nacida en Zaragoza y sustentada por medios propios.

Tamién te podria gustar