Portada Patrimoniu La Plaza del Conceyu en Xixón va acoyer esti llunes una protesta pol valtamientu d’horros

La Plaza del Conceyu en Xixón va acoyer esti llunes una protesta pol valtamientu d’horros

by asturnet

La Plaza del Conceyu en Xixón va acoyer esti llunes una protesta, organizada por Unidá Nacinalista Asturiana, pol valtamientu d’ocho horros en San Andrés de los Tacones y pola situación xeneral del patrimoniu asturianu, que considera “desastrosa”.

La convocatoria facíase esti vienres al traviés d’un comunicáu nel qu’UNA facía pública la convocatoria d’esti “funeral polos horros destruyíos”, que va tener llugar de magar les 20 hores del llunes.“Nesti funeral que quier valir como denuncia pola desidia y permisividá tanto del gobiernu municipal como de la Conseyería de Cultura nesti casu, o de protesta pola situación del patrimoniu en Xixón, UNA va denunciar de la mesma manera como ‘inconsciente’ la inclusión de los horros como elementos patrimoniales suxetos al impuestu del IBI (contribución) en Xixón, lo que pue suponer un incentivu pa destruyir o simplemente dexar cayer los horros, dao que’l so caltenimientu supón un aumentu na carga económica adicional”.

Tamién te podria gustar