La película polaca “Pokot” fina’l ciclu “Cine de los Martes”

27 febreru 09:47 2018 Imprimir

La película Pokot (El Rastru), ganadora del Premiu Alfred Bauer nel Festival Internacional de Cine de Berlín 2017, ye’l títulu del ciclu del Cine de Los Martes, qu’entamara en xineru.

La película Pokot (El Rastru), dirixida por Agnieszka Holland y ganadora del Premiu Alfred Bauer nel Festival Internacional de Cine de Berlín 2017, ente otros galardones, ye’l caberu títulu que se va proyectar na Casa Municipal de Cultura, dientro de la programación del ciclu del Cine de Los Martes.

Janina Duszejko, exinxeniera, astróloga y vexetariana, vive nun pequenu pueblu nos montes de Los Sudetes y empieza a atopase cadabres de cazadores muertos n’estrañes circunstancies qu’ella asegura que fueron asesinaos por animales selvaxes. Un thriller revesosu que transita polos xéneros del drama y, inclusive, la comedia. La proyección va ser en versión orixinal, a les 20:15 hores na Casa Municipal de Cultura, con entraes a 3 euros y subtítulos en castellán.

Nos distintos ciclos d’El Cine de los Martes desenvueltos mientres 2017 vendiéronse un total de 5.061 entraes, lo que refundia una media de 181 espectadores por caúna de les películes proxectaes, tanto na programación regular como nos distintos pases estraordinarios llevaos a cabu  por cuenta d’actividaes concretes, como L’Antroxu de Los Llocos.

  Categories: