La película austriaca “Happy end” ye la segunda proyección del ciclu de Cine de los Martes

02 ochobre 15:11 2018 Imprimir

La película austriaca “Happy end” ye la segunda proyección del ciclu de Cine de los Martes n’Avilés que va siguir mientres los meses d’ochobre, payares y avientu.

La película de güei xira en redol a una familia burguesa que tien una empresa en Calais, al llau de los campamentos onde viven miles de refuxaos. Va Ser esti martes 2 d’ochobre, a les 20:15 hores. En tol ciclu podrán vese películes de nacionalidá francesa, polaca, austriaca, arxentina, rumana, islandesa y española.

El ciclu “El Cine de los Martes” sigue mientres los meses d’ochobre, payares y avientu con una nueva programación que, como vien siendo habitual, va desenvolvese tolos martes a les 20:15 hores, na Casa Municipal de Cultura d’Avilés.

La selección de les 10 películes del nuevu ciclu, de diverses nacionalidaes y reconocíes en festivales en tol mundu, corrió a cargu del programador Jorge Iván Argiz. Podrán vese películes franceses, polaques, austriaques, arxentines, rumanes, islandeses y españoles.

Les entraes para caúna de les proyecciones -que van ser en versión orixinal subtitulada en castellán- tienen un preciu únicu de 3 euros. Van Poder adquirise na taquilla de la Casa Municipal de Cultura, n’horariu de llunes a vienres, de 11:00 a 14:00 y de 18:00 a 21:00 hores, y los sábados, de 11:00 a 14:00 hores.

El calendariu de proyecciones ye’l siguiente:

  • Martes, 2 d’ochobre. “Happy End” (Austria, 2017)
  • Martes 9 d’ochobre. “Bonos vecinos” (Islandia,2017)
  • Martes, 16 d’ochobre. “Non” (Francia, 2017)
  • Martes, 23 d’ochobre. “The Rider” (Estaos Xuníos, 2017)Martes, 30 d’ochobre. “Carmen y Lola” (España, 2018)
  • Martes, 6 de payares. “La novia del desiertu” (Arxentina, 2017)
  • Martes, 13 de payares. “Cold War” (Polonia, 2018)
  • Martes, 27 de payares. “Un héroe singular” (Francia, 2017)
  • Martes, 4 d’avientu. “Un día más con vida” (Polonia, 2017)

Más información

  Categories: