Portada Comunicación La páxina web de la TV del Principáu entá nun funciona

La páxina web de la TV del Principáu entá nun funciona

by asturnet

La direición d’internet onde los responsables del Ente Públicu de Comunicación anunciaren ayeri llunes que se conocerá la convocatoria de pruebes entá sigue inactiva, abellugada nel parque de dominios de la empresa arsys.es. A lo llargo de tola mañana, la imaxen que presentaba la futura páxina web de la Radio Televisión del Principáu d’Asturies (RTPA) yera la que presenta por defectu la empresa d’allugamientu web de Logroño Arsys. Y espardíu l’escaezu y/o fallu téunicu por esta noticia d’Asturnews, al meudía esa páxina yera redireccionada p’hacia una diseñada col estilu de la web del Principáu, Princast, na que namái se podía ver una cabecera xeneérica y la páxina “http://www.rtpa.net/resto.htm” maquetada con dos “frames” como s’emplega davezu nesta web institucional pa los conteníos que tan camudándose o les secciones en construcción. La situación ye una amuesa de les prises coles que se ta desendolcando’l procesu de creación de los medios públicos del Principáu nun procesu nel que’l Presidente del Principáu s’enfotara n’algamar la primer emisión de la TV autonómica pal Día d’Asturies 2005.

Esti llunes facíase l’anuncia de les prebes de selección pa cubrir les ochenta y cuatro puestos de trabayu de la plantiella de la nueva empresa y comunicábase que’l miércoles 27 o xueves 28 espublizaríase la convocatoria y fadríase anuncia d’ella nes direiciones d’internet www.princast.es y www.rtpa.net, pero esta cabera, que paez sedrá la direición principal del Ente Público n’Internet apaez dafechamente inoperativa a les 10 dela mañana d’esti martes 26 de xunetu.

Los exámenes van escomenzar a partir del prósimu 15 de setiembre y de les 84 places a cubrir, 39 pertenecen a la estaya técnica, 25 a la estaya de redacción multimedia, 13 pa la estaya d’antena y conteníos, 6 pa la estaya de xestiòn y recursos humanos y una pa relaciones corporatives.

L’Ente Públicu de Comunicación convoca oficialmente les prebes de selección del personal

Tamién te podria gustar