Portada Cooperación La participación de persones con discapacidá centró l’alcuentru ente entidaes d’Avilés y Saint-Nazaire

La participación de persones con discapacidá centró l’alcuentru ente entidaes d’Avilés y Saint-Nazaire

by redacción asturnews

Dende’l xueves 26 y hasta el llunes 30 de mayu, Avilés allugó les actividaes programaes dientro del Alcuentru Ciudadanu con entidaes de la Ciudá Hermanada de Saint-Nazaire (Francia). Una iniciativa liderada pol Conceyu d’Avilés, n’estrecha collaboración de l’asociación Auniendo Fronteres (Avilés) y el Comité de Jumelage (Saint-Nazaire).

L’alcuentru enmárcase dientro del proyectu “Por una Europa Inclusiva (INCLUYI)”, col oxetivu d’identificar les causes qu’enzanquen la participación ciudadana de les persones con discapacidá. Y precisamente a esi oxetivu, y al alderique sobre propuestes que dexaríen revertir esta situación, tuvo dedicada la mayor parte de les actividaes d’esti alcuentru, gracies al cual tamién pretendíen reforzar l’hermanamientu social y cultural cola ciudá francesa.

Más d’un centenar d’asociaciones participaron nes actividaes d’esti alcuentru, onde un total de 43 persones formaben la delegación procedente de Saint-Nazaire con presencia d’entidaes de bien diversu ámbitu: asociaciones de pacientes y profesionales de salú, deportives, agrupaciones corales, de baille, amás de representantes del Comité de Jumelage, sociu nesti proyectu.

El pasáu 10 de mayu, 35 persones de diverses entidaes y colectivos, y ciudadanos y ciudadanes a títulu individual, participaron nuna sesión de trabayu, desenvuelta nel Centru Municipal d’Asociaciones “El Arbolón”, na que se concretó tantu’l programa d’actividaes del alcuentru como los documentos que van sirvir de base pa les distintes xuntes de trabayu.

 

Tamién te podria gustar