Portada Música La Orquesta del Conservatoriu Julián Orbón interpreta “Yo soi María” nes redes

La Orquesta del Conservatoriu Julián Orbón interpreta “Yo soi María” nes redes

by redacción asturnews

La Orquesta Sinfónica del del Conservatorio Municipal Profesional Julián Orbón dirixida por Iván Cuervu- grabó “Yo soi María” que foi estrenada esta selmana na canal de Youtube del Conceyu d’Avilés (https://youtu.be/d1GbvUJgt0Q) y que se va espublizar tamién al traviés de les redes sociales del Conservatoriu.

Una interpretación que dexa amosar el trabayu que se caltien nel centru, cola mesma ilusión, entusiasmu y profesionalidá d’estudiantes y profesoráu, magar les dificultaes añedíes pola situación sanitaria, y que la so grabación tuvo llugar nel Auditoriu de la Casa de Cultura’l pasáu 17 de marzu.

La obra escoyida pa ser interpretada foi’l Yo soi María”, d’Astor Piazzolla, con Ana Izquierdo ya Isabella Torrijo como solistes a la flauta y al oboe, respectivamente. Conformen la orquesta los siguientes instrumentos: 5 violinos I, 4 violinos II, 3 violes, 5 cellos, 1 contrabaxu, 2 flautes, 2 oboes, 2 clarinetes y 1 fagó.

Tamién te podria gustar