La Orquesta de Cuerda del Conservatoriu ufre un conciertu d’espardimientu musical infantil

La Orquesta de Cuerda del Conservatoriu ufre un conciertu d’espardimientu musical infantil
23 mayu 13:30 2018 Imprimir

Esti miércoles 23 de mayu, na Casa Municipal de Cultura d’Avilés, la Orquesta de Cuerda del Conservatoriu va interpretar el conciertu d’espardimientu musical infantil “Xúbite al mio tren”.

La Orquesta de Cuerda del Conservatorio Municipal Profesional Julián Orbón va interpretar esti miércoles 23 de mayu’l conciertu d’espardimientu musical infantil “Xúbite al mio tren”. L’actividá busca familiarizar a los más pequenos cola música clásica al traviés d’una actuación programada -a manera de viaxe en tren- per distintes ciudaes europees.

Esti conciertu d’espardimientu musical infantil va tener llugar en dos sesiones: una mañanera, dirixida a alumnáu de 8 colexos; y de tarde, abierta al públicu hasta completar aforu. El conciertu ye un viaxe en tren con paraes en ciudaes europees nes que se van presentar preseos, composiciones y autores. París, Londres, Berlín, Viena, Kiev, Venecia o Pamplona van ser dalgunes de les paraes d’esti tren musical que va convidar a los presentes a conocer distintos preseos, composiciones y autores venceyaos con dichos llugares. P’ambientar esti viaxe, alumnáu de los talleres infantiles de la Factoría Cultural ellaboró un tren y arrexuntó imaxes representatives de caúna de les paraes.

El conciertu va tener llugar nel auditoriu de la Casa Municipal de Cultura, en dos veces: una sesión mañanera, dirixíu a alumnáu de 8 colexos de la ciudá; y de tarde, abiertu al públicu hasta completar aforu. El primeru d’ellos va arrincar a les 11:30 hores y nél va participar alumnáu de 2º y 3º cursu de Primaria de los colexos de Sabugo, Enrique Alonso, Marcos del Torniello, Paula Frassinetti, San Nicolás de Bari, El Quirinal, Versalles y Palacio Valdés. En total barganal de 550 neños y neñes.

Pela so parte, la sesión de tarde va empezar a les 17:45 hores y alla va asistir l’alumnáu de los talleres infantiles de la Factoría Cultural, amás de tolos neños y neñes que lo deseyen, hasta completar l’aforu del auditoriu. L’actividá ye dafechu de baldre.

  Categories: